13:27, 10 - تامىز 2020 | GMT +6
قىرىمبەك كوشەربايەۆ باستاعان ءبىر توپ قوعام قايراتكەرى اباي ەسكەرتكىشىنە گۇل شوقتارىن قويدى
نۇر- سۇلتان. قازاقپارات - بۇگىن قازاقتىڭ ۇلى اقىنى ابايدىڭ 175 جىلدىق مەرەيتويى. وسىعان وراي ق ر مەملەكەتتىك حاتشىسى قىرىمبەك كوشەربايەۆ باستاعان ءبىر توپ مەملەكەت جانە قوعام قايراتكەرى ەلورداداعى اباي ەسكەرتكىشىنە سالتاناتتى جاعدايدا گۇل شوقتارىن قويدى، دەپ حابارلايدى قازاقپارات ءتىلشىسى.
گۇل شوقتارىن قويۋ راسىمىنە ق ر پرەزيدەنتى اكىمشىلىگى باسشىسىنىڭ ورىنباسارى داۋرەن ابايەۆ، ق ر پرەمەر- ءمينيسترىنىڭ ورىنباسارى ەرالى توعجانوۆ، مادەنيەت جانە سپورت ءمينيسترى اقتوتى رايىمقۇلوۆا، ەلوردا اكىمى التاي كولگىنوۆ، ق ر پرەزيدەنتىنىڭ باسپا ءسوز حاتشىسى بەرىك ءۋالي، ءماجىلىس دەپۋتاتى ساۋىتبەك ابدىراحمانوۆ قاتىستى. مۇنداي سالتاناتتى ءراسىم ەلىمىزدىڭ بارلىق وڭىرىندە وتكىزىلدى.
ايتا كەتەيىك، تاياۋدا قازاقستان ۇكىمەتىنىڭ قاۋلىسىمەن 10 - تامىز اباي كۇنى بولىپ بەلگىلەندى. وسىلايشا، مەملەكەت باسشىسى قاسىم- جومارت توقايەۆتىڭ تاپسىرماسىمەن ۇكىمەت اباي كۇنىن بەلگىلەپ، ەلىمىزدىڭ اتاۋلى مەرەكەلەر تىزبەسىنە ەنگىزدى. مۇنداعى باستى ماقسات - ابايدى ۇلتىمىزدىڭ رۋحاني رەفورماتورى، الەمدىك دەڭگەيدەگى كەمەڭگەر رەتىندە تەڭدەسسىز شىعارماشىلىعىن ناسيحاتتاۋ.
اۆتور: مارلان جيەمباي