زيالى قاۋىم الماتىداعى اباي ەسكەرتكىشىنە گۇل شوقتارىن قويدى

الماتى. قازاقپارات - الماتى قالاسىندا زيالى قاۋىم وكىلدەرى اباي ەسكەرتكىشىنە گۇل شوقتارىن قويدى، دەپ حابارلايدى قازاقپارات ءتىلشىسى.

شارا اباي الاڭىندا ءوتتى. وعان شاھار باسشىسى باقىتجان ساعىنتايەۆ، بەلگىلى قالامگەرلەر ولجاس سۇلەيمەنوۆ، مۇرات اۋەزوۆ، روللان سەيسەنبايەۆ، باقىتجان قاناپيانوۆ قاتىستى.

اباي - ۇلى اقىن، دانا ويشىل، قازاقتىڭ جاڭا تاريحي داۋىردەگى رەاليستىك جازبا ادەبيەتىنىڭ اتاسى. اباي ەسىمى - قازاق حالقىنىڭ ۇلتتىق ساناسىنىڭ ويانۋى مەن رۋحاني قايتا جاڭعىرۋىنىڭ، قوعامنىڭ وزىق كۇشتەرىنىڭ وركەنيەتتىلىككە ۇمتىلىسى مەن الەۋمەتتىك ادىلدىكتىڭ سيمۆولى. بۇعان دەيىن، قازاقتىڭ ۇلى اقىننىڭ 175 جىلدىق مەرەيتويىنا وراي ق ر مەملەكەتتىك حاتشىسى قىرىمبەك كوشەربايەۆ باستاعان ءبىر توپ مەملەكەت جانە قوعام قايراتكەرى ەلورداداعى اباي ەسكەرتكىشىنە سالتاناتتى جاعدايدا گۇل شوقتارىن قويعان بولاتىن.

ەسكە سالايىق، قازاقستان ۇكىمەتىنىڭ قاۋلىسىمەن 10- تامىز اباي كۇنى بولىپ بەلگىلەندى.

اۆتور: الما مۇقانوۆا