ديماش قۇدايبەرگەننىڭ جاڭا بەينەبايانى جارىق كوردى

نۇر-سۇلتان. قازاقپارات - الەمگە تانىمال قازاقستاندىق ءانشى ديماش قۇدايبەرگەننىڭ «قايران ەلىم» اتتى ءانىنىڭ بەينەبايانى جارىق كوردى، دەپ حابارلايدى قازاقپارات ءتىلشىسى.

بۇعان دەيىن ديماش قۇدايبەرگەن بەينەبايانىنا ءوزى رەجيسسەر بولعانى تۋرالى جازعان بولاتىنبىز.

ديماشتىڭ جاڭا بەينەبايانى تۋرالى ونىڭ جانكۇيەرلەرىنىڭ Instagram پاراقشاسىنا جاريالاندى.

«ديماشتىڭ جاڭا انىنە قولداۋ بىلدىرگىلەرىڭىز كەلسە، سىلتەمە بويىنشا ءوتىپ، YouTube جەلىسىنەن تاماشالاڭىزدار»، - دەپ جازىلعان Instagram پاراقشادا.

«قايران ەلىم» ءانىنىڭ مۋزىكاسىن رەنات عايسين، ءسوزىن دانيار الدابەرگەن، ورال بايسەڭگىر جازعان.

بەينەبايان ءبىر ساعات ىشىندە 50 مىڭعا جۋىق كورىلىم جيناپ، 3,5 مىڭ ادام پىكىر جازعان.

«بەينەباياندى تۇسىرگەن توپقا ۇلكەن العىس ايتام. كوپ جۇمىس اتقارىلعان جانە ءبارى جوعارى دەڭگەيدە. جارايسىڭ! كورىپ، ەستىپ وتىرعان انگە جۇرەگىڭ ەلجىرەپ، جانىڭ اۋىرادى. كوزىمنەن جاس توقتار ەمەس. راحمەت!»، - دەپ پىكىر جازدى نادەجدا گرين ەسىمدى الەۋمەتتىك جەلى قولدانۋشىسى.