بەلارۋستە وتكەن پرەزيدەنت سايلاۋىندا داۋىس بەرۋ اياقتالدى

مينسك. قازاقپارات - بەلارۋستە 9- تامىزدا ەل پرەزيدەنتىنىڭ سايلاۋىندا داۋىس بەرۋ اياقتالدى، دەپ حابارلايدى قازاقپارات الەمدىك ب ا ق- قا سىلتەمە جاساپ.

بەلارۋس و س ك ءتوراعاسى ليديا ەرموشينا سايلاۋدىڭ سوڭعى ناتيجەسى دۇيسەنبى كۇنى (نۇر-سۇلتان ۋاقىتىمەن ساعات 05:00 دە) جاريالانۋى مۇمكىن دەدى.

ءبىراق BBC اگەنتتىگىنىڭ حابارلاۋىنشا ول ءالى شىقپاعان. ت ا س س- تىڭ مالىمەتىنشە، س ت ۆ تەلەارناسىنىڭ تاپسىرىسى بويىنشا وتكىزىلگەن ەكزيتپول الەكساندر لۋكاشەنكوعا %71,4، وپپوزيتسيانىڭ نەگىزگى كانديداتى سۆەتلانا تيحانوۆسكاياعا - %10,1 داۋىس بەرگەنىن كورسەتكەن.

ءار ءتۇرلى ب ا ق- تىڭ حابارلاۋىنشا، جەكسەنبى كۇنى كەشكە بەلارۋستىڭ كەيبىر قالالارىندا سايلاۋدىڭ الدىن-الا ناتيجەسى بويىنشا نارازىلىق اكسياسىى باستالدى.

تۇنگە قاراي بەلارۋستىڭ جەتەكشى ب ا ق سايتتارىنىڭ جۇمىسىندا اقاۋ پايدا بولدى، سونىمەن قاتار بيلىك سايتتارى، ونىڭ ىشىندە 2020-جىلعى سايلاۋعا ارنالعان پورتال دا جۇمىس ىستەمەي تۇر.