اباي ايتقان «بەس دۇشپاننان» تولىق ارىلىپ بولعان جوقپىز - ق ر پرەزيدەنتى

نۇر-سۇلتان. قازاقپارات - اباي ايتقان «بەس دۇشپاننان» تولىق ارىلىپ بولعان جوقپىز. ق ر پرەزيدەنتى قاسىم-جومارت توقايەۆ Egemen Qazaqstan گازەتىندە جاريالانعان «اباي - رۋحاني رەفورماتور» اتتى ماقالاسىندا وسىلاي مالىمدەدى، دەپ حابارلايدى قازاقپارات.

«كەلەسى جىلى قازاقستان تاۋەلسىزدىگىنىڭ 30 جىلدىعىن اتاپ وتەمىز. ءبىراق كەزىندە ۇلى ويشىلدى قاتتى تولعاندىرعان كەيبىر كەلەڭسىزدىكتەر قوعامدا ءالى دە كەزدەسەدى. وكىنىشكە قاراي اباي ايتقان «بەس دۇشپاننان» تولىق ارىلىپ بولعان جوقپىز. ازاماتتارىمىزدىڭ اراسىندا جالقاۋلىق پەن ءسوزۋارلىق ءجيى كەزدەسەتىنى قىنجىلتادى. بۇلار بۇرىنعىشا تويقۇمارلىقتان تارتىنباي، كۇندەلىكتى تىنىمسىز تىرلىكتى دارىپتەۋدىڭ ورنىنا، ءاربىر قوعامدىق وقيعادان ساياسي استار ىزدەيدى دە وتىرادى. اباي حالىقتى توي تويلاۋعا ەمەس، ەڭبەك ەتۋگە، رۋحاني كەمەلدەنۋگە شاقىردى. ابايدىڭ ۇلاعاتى ءالى كۇنگە دەيىن ماڭىزىن دا، قۇندىلىعىن دا جوعالتقان جوق. سوندىقتان ءبىز ونىڭ تەرەڭ ويلارىنا، كەلەشەكتىڭ كەلبەتىنە ۇڭىلگەن كورەگەندىگىنە تاڭىرقاۋدان جالىققان ەمەسپىز»، - دەدى پرەزيدەنت.