08:08, 10 - تامىز 2020 | GMT +6
قارۋلى توپ تۋريستەردى ءولتىرىپ كەتتى
نۇر-سۇلتان. قازاقپارات - نيگەر ەلىنىڭ وڭتۇستىك-باتىسىندا 8 ادام قارۋلى شابۋىلدىڭ قۇربانى بولدى.
قازا تاپقاندار اراسىندا التى فرانسۋز تۋريست جانە جەرگىلىكتى گيد پەن جۇرگىزۋشى بار، دەپ حابارلايدى قازاقپارات ەۋرونيۋسكە ىلتەمە جاساپ.
رەسمي دەرەك بويىنشا موتوتسيكلگە مىنگەن قارۋلى ادامدار ماشينانى قورشاپ الىپ، وق اتقان.
وقيعا نيگەر، مالي، بۋركينا-فاسو سەكىلدى ءۇش ەلدىڭ شەكاراسى تۇيىسەتىن اۋماقتا، كۋرە قورىعىندا بولعان.
قورىقتا كەرىك وتە كوپ، تۋريستەر سوعان قىزىعادى. الايدا ءۇش جىل بۇرىن وندا «بوكو حارام» مەن «يسلام مەملەكەتى» سەكىلدى قارۋلى توپتاردىڭ بەلسەندىلىگىنە بايلانىستى توتەنشە جاعداي جاريالانعان.