+7 (701) 759 90 19
8 °С : نۇر-سۇلتان
17 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

قازاقستان تەلەارناسى كۇن بويى ابايعا ارنالعان باعدارلامالار ۇسىنادى

9 تامىز 18:46
:ءبولىسۋ
قازاقستان تەلەارناسى كۇن بويى ابايعا ارنالعان باعدارلامالار ۇسىنادى

نۇر- سۇلتان. قازاقپارات - Qazaqstan ۇلتتىق تەلەارناسى 10- تامىزدا ءبىر كۇن بويى اباي كۇنىنە ارنالعان باعدارلامالار ۇسىنادى، دەپ حابارلايدى قازاقپارات ءتىلشىسى.

«قازاقستان» تەلەراديوكورپوراتسياسى 10- تامىز - اباي كۇنىنە وراي ءبىرقاتار جاڭا تەلەجوبالار ازىرلەدى. ۇلتتىق ارنا 10 - تامىزدا 12 ساعات ەفيرىن اباي مۇراسىنا ارناسا، ۇلى ويشىل اتىمەن قۇرىلعان «Abai tv» ارناسى ابايدىڭ قۇندى مۇرالارىن دارىپتەۋگە باعىتتالعان جوبالاردى ءبىر كۇن بويى، ءۇزىلىسسىز كورسەتەدى»، - دەلىنگەن تەلەارنا باسپا ءسوز قىزمەتى تاراتقان اقپاراتتا.

«قازاقستان» تەلەارناسىنىڭ تاڭعى ەفيرى 06:40-تا ابايدىڭ 175 جىلدىق مەرەيتويىنىڭ اشىلۋىنا ارنالعان «قازاق حالقى - ابايدىڭ حالقى» جوباسىمەن باستالىپ، 08:00-دە ەكى ساعات بويى تىكەلەي ەفيردەگى «تاڭشولپان» تاڭعى اقپاراتتىق- سازدى باعدارلاماسىمەن جالعاسادى. باعدارلاماعا ابايدىڭ جيەنشارى ءلايلا مۇقليس قىزى قاتىسادى.

سونىمەن قاتار جيدەبەيداعى اباي مۋزەي- ۇيىنەن تىكەلەي بايلانىس ورناتىلادى. ساعات 13:30-دا ابايتانۋشى، عالىم مەكەمتاس مىرزاحمەتوۆتىڭ «نۇر تىلەۋ‎» باعدارلاماسىنا بەرگەن سۇحباتى، 14:00-دە اقىننىڭ ۇرپاعى تۇراعۇل اباي ۇلى تۋرالى «بەيمالىم الاش» دەرەكتى فيلمى كورسەتىلەدى.

ۇلتتىق ارنا ەفيرىنەن كۇزگى ماۋسىمعا جوسپارلانعان قوعام قايراتكەرى، ق ر پارلامەنتى ءماجىلىسىنىڭ دەپۋتاتى بەكبولات تىلەۋحان جۇرگىزەتىن «ابايدىڭ جولى» جاڭا جوباسى دا اباي كۇنىندە ساعات 17:45-تە العاشقى شىعارىلىمىن ۇسىنادى. باعدارلاما حاكىم ابايدىڭ تەرەڭ دە اۋقىمدى شىعارمالارىن بۇگىنگى وقىرمانعا جاتىق، قاراپايىم تىلمەن تۇسىندىرەدى. جوبا اباي ولەڭدەرى مەن قارا سوزدەرىنە كەيىنگى ۇرپاقتىڭ قىزىعۋشىلىعىن وياتىپ، سول ارقىلى ار- ۇيات، كوركەم مىنەز، بىلىمگە قۇشتارلىق، ۇلتقا ماحاببات، وتانسۇيگىشتىك، باۋىرمالدىق، مەيىرىم سەكىلدى اسىل قاسيەتتەرگە قۇلشىندىرۋدى ماقسات ەتەدى.

جاقىندا تۇساۋى كەسىلگەن، ءار جەكسەنبى 20:00-دە شىعاتىن «كۇمىس كومەي» ۇلتتىق مۋزىكالىق- تانىمدىق باعدارلاماسىنىڭ وسى اپتاداعى شىعارىلىمى اباي اندەرىنە ارنالادى. اقىن اندەرى تانىمال ءداستۇرلى انشىلەردىڭ ورىنداۋىندا شىرقالىپ، ولاردىڭ شىعۋ تاريحىنا ساياحات جاسالادى. جوبا 9-10 - تامىز كۇندەرى ەفيرگە شىعادى.

10 - تامىز كۇنى 20:30-دا ق ر مەملەكەتتىك حاتشىسى قىرىمبەك كوشەربايەۆتىڭ «Abai tv» ارناسىنىڭ «سارا ءسوز» باعدارلاماسىنا بەرگەن سۇحباتى ۇسىنىلادى.

20:50-دە اتاۋلى كۇنگە ارنايى ازىرلەنگەن «اباي» جوباسى ەفيرگە شىعادى. جوبا قازاق رۋحانياتىنىڭ قۇندى مۇراسىنا اينالعان «اباي جولىنىڭ» جازىلۋ تاريحى تۋرالى باياندايدى. ودان بولەك، اباي كۇنىنە ارنالعان باعدارلامالار كەستەسىنە «قۇنانباي» كوركەم فيلمى، «ادامزاتتىڭ الىبى - حاكىم اباي» رەسپۋبليكالىق اقىندار ايتىسى، «اباي اندەرى» تەاترلاندىرىلعان كونسەرتى، «ادامزاتتىڭ ءبارىن ءسۇي» اتتى اباي اندەرىنىڭ كەشى ەنگىزىلدى.

«قازاقستان» تەلەراديوكورپوراتسياسى بۇعان دەيىن جاريا ەتكەندەي، ابايدىڭ 175 جىلدىق مەرەيتويى قارساڭىندا ءتۇسىرىپ جاتقان «اباي» تەلەحيكاياسىن كورەرمەنگە كۇزگى ماۋسىمدا تارتۋ ەتەدى. كوپ ءبولىمدى تۋىندىنىڭ تۇساۋكەسەرى تامىز ايىنا، اقىننىڭ تۋعان كۇنىنە جوسپارلانعان، الايدا كوروناۆيرۋس ىندەتىنە بايلانىستى ءتۇسىرىلىم جۇمىستارى كەشىكتىرىلۋدە.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات