قازاقستاندا كۇرىش ءوندىرىسى ەكى ەسە ءوستى - ا ش م

نۇر- سۇلتان. قازاقپارات - بيىل وسىمدىك تەكتەس ازىق- تۇلىك ءوندىرىسى ەداۋىر ءوستى، دەپ حابارلايدى قازاقپارات ق ر ا ش م باسپا ءسوز قىزمەتىنە سىلتەمە جاساپ.

ستاتيستيكا كوميتەتىنىڭ مالىمەتتەرىنە سايكەس، 2020 -جىلدىڭ ءبىرىنشى جارتىجىلدىعىندا 2019 -جىلدىڭ سايكەس كەزەڭىمەن سالىستىرعاندا وڭدەلگەن كۇرىش ءوندىرىسى % 81,2 - عا (60-تان 107,5 مىڭ تونناعا دەيىن)، وڭدەلگەن جانە كوكونىستەر كونسەرۆىلەرى (كارتوپتان باسقا) -% 49 - عا (6,9-دان 10,2 مىڭ تونناعا دەيىن)، ماكارون ونىمدەرى -% 13,5 - عا (81-دەن 92 مىڭ تونناعا دەيىن)، مارگارين - % 12,6 - عا (30-دان 33,7 مىڭ تونناعا دەيىن)، جارما - % 10,6 - عا ( 40-تان 44,5 مىڭ تونناعا دەيىن)، تازارتىلعان جانە تازارتىلماعان وسىمدىك مايى - % 9,5 - عا (212-دەن 232 مىڭ تونناعا دەيىن)، ۇن - % 8 - عا (1546-دان 1670 مىڭ تونناعا دەيىن)، كونديتەرلىك ۇن ونىمدەرى - % 3,4 - عا (70,4-تەن 73 مىڭ تونناعا دەيىن) ءوستى.

وتكەن جىلدىڭ دەڭگەيىندە جاڭا پىسكەن نان (323 مىڭ توننا)، سونداي- اق جەمىس- كوكونىس شىرىندارى (30,4 ميلليون ليتر) ءوندىرىلدى. سونىمەن بىرگە، سىرنە ءوندىرىسىنىڭ % 52 - عا (21-دەن 10 مىڭ تونناعا دەيىن)، كراحمال مەن كراحمال ونىمدەرىنىڭ - % 9,3 - عا (15,2-دەن 13,8 مىڭ تونناعا دەيىن) تومەندەۋى بايقالادى.