+7 (701) 759 90 19
-8 °С : نۇر-سۇلتان
-9 °С : الماتى
USD 420.67 EUR 510.99
RUB 5.58 CNY 64.92
جاڭالىقتار

ەلوردانىڭ تانىمال ءارى قىزىقتى جەرلەرى

7 تامىز 22:29
:ءبولىسۋ
ەلوردانىڭ تانىمال ءارى قىزىقتى جەرلەرى

نۇر- سۇلتان. قازاقپارات - بيىل قالا تۇرعىندارى قوعامدىق ورىندارعا بارماي، اشىق اسپان اياسىندا سەرۋەندەۋدى ادەتكە اينالدىرعان. دەمالۋشىلار كوبىنە ساياباقتارعا بارعاندى ءجون كورەدى.

ەندەشە ەلوردادا ادامدار ءجيى باراتىن مەكەنگە اينالعان بىرنەشە ورىنعا توقتالىپ وتەيىك. كارانتين جاعدايىندا تۇرعىندار مەن قالا قوناقتارى مۋزەيلەرگە، ويىن- ساۋىق ورتالىقتارىنا بارا المايتىنى انىق. سول سەبەپتى قالا اكىمدىگىنىڭ سايتى تىلشىلەرى ەلورداداعى قىزىقتى جەرلەرىن ءبىر شولىپ شىقتى، دەپ حابارلايدى قازاقپارات.

بوتانيكالىق باق

وتباسىمەن بىرگە دەمالۋعا ءارى سپورتپەن شۇعىلدانۋعا قولايلى ورىنداردىڭ ءبىرى. ساياباقتا بالالار ويىن الاڭى، ترەناجەر، ۆولەيبول جانە باسكەتبول الاڭى بار. سونداي- اق ۆەلوجول مەن جۇگىرۋ جولى جانە سۋبۇرقاق ورناتىلعان. الۋان ءتۇرلى اعاشتاردىڭ جالپى سانى 95 مىڭعا جەتەدى. بۇگىنگە دەيىن ساياباقتا 2 جىلىجاي، 45 مىڭ شارشى مەتر الاڭدى قۇرايتىن جاساندى سۋ قويماسى، جاياۋ جۇرگىنشىلەر كوپىرى، ۆەلوسيپەد جانە جۇگىرۋ جولدارى سالىندى.

ەسىل جاعالاۋى

ەسىل وزەنىنىڭ جاعالاۋى - ەلوردالىقتاردىڭ سۇيىكتى ورىنى. ەركە ەسىلدىڭ جاعاسىندا قالانىڭ اسەم كورىنىسىن تاماشالاپ، اشىق اسپان استىندا سەرۋەن قۇرۋ تۇرعىنداردىڭ ۇيرەنشىكتى ادەتىنە اينالعان. جاعالاۋ قالا جاستارىنىڭ باس قوسار مەكەنى - ارباتپەن جالعاسىپ، كوڭىلدى دەمالىستى كورىكتى ەتە تۇسەدى. ورتالىق ساياباق بۇل جەردە سپورتپەن اينالىسۋعا مۇمكىندىكتەر كوپ. ساياباقتا ۆەلوسيپەد، جۇگىرۋگە ارنالعان جولاق بار. ترەناجەرلىق جابدىقتارى بار الاڭقاي مەن بالالارعا ارنالعان ويىن الاڭدارى دا جەتكىلىكتى. بۇل جەردە اعاش كوپ وتىرعىزىلعان. قالا تۇرعىندارىنا يوگامەن اينالىسۋعا وتە ىعايلى.

كوپىر استىنداعى ارت- كەڭىستىك

«ارقار» كوپىرىنىڭ استىنداعى الاڭ ەلوردانىڭ قىزىقتى ورىندارىنىڭ بىرىنە اينالدى. وندا جاڭا ارت- ينستاللياتسيالار، گۇلزارلار، جاياۋ جۇرگىنشىلەر مەن ۆەلوسيپەد جولدارى جانە باسكەتبول الاڭدارى سالىنعان. سونداي- اق مۇندا اتكەنشەك- ورىندىقتار، باسكەتبولعا ارنالعان ىلمەكتەر جانە ەكى ستريتبول الاڭى پايدا بولدى. بۇل ورىنعا اسىرەسە جاستار ءجيى كەلەدى.

جەتىسۋ ساياباعى

الماتى وبلىسىنىڭ ەلوردا مەرەيتويىنا تارتۋى قالا تۇرعىندارىنا كوتەرىڭكى كوڭىل- كۇي سىيلايدى. جەتىسۋ ءوڭىرىنىڭ كورىكتى ءارى تاريحي جەرلەرى ءبىر ساياباق اۋماعىنا ورىن تەپكەن. ياعني، شارىن شاتقالى مەن تاڭبالى تاستى، جەتىسۋدىڭ وزەندەرى مەن الماتى اپورتىن تاماشالاۋعا بولادى. سونداي- اق ساياباقتا سۋبۇرقاق پەن ۇزىندىعى 1,5 ك م بولاتىن ۆەلوجول، جۇگىرۋ جولدارى جانە سپورت قۇرىلعىلارى مەن بالالارعا ارنالعان ويىن الاڭدارى بار. ايتا كەتسەك، قازىرگى كەزدە ەلوردادا جالپى اۋدانى 396,4 گ ا 9 پارك، اۋدانى 30 گ ا 4 جەلەكجول، سونداي- اق 131,9 گ ا 90 گۇلباق بار. بيىل 50 قوعامدىق كەڭىستىك (ساياباق، سكۆەرلەر، بۋلۆار) پەن 150 گە جۋىق اۋلا اباتتاندىرالادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات