+7 (701) 759 90 19
8 °С : نۇر-سۇلتان
9 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

ليۆان بيلىگى بەيرۋتتە بولعان جويقىن جارىلىستىڭ رەسمي سەبەبىن مالىمدەدى

7 تامىز 21:47
:ءبولىسۋ
ليۆان بيلىگى بەيرۋتتە بولعان جويقىن جارىلىستىڭ رەسمي سەبەبىن مالىمدەدى

نۇر-سۇلتان. قازاقپارات - ليۆان ىشكى ىستەر مينيسترلىگى بەيرۋتتە بولعان جويقىن جارىلىستىڭ رەسمي سەبەبىن مالىمدەدى، حابارلايدى «حابار 24».

2750 توننا اممياك سەليتراسىنىڭ جارىلۋىنا قويمادا جۇرگىزىلگەن دانەكەرلەۋ جۇمىستارى سەبەپ بولعان. بۇل ىسكە قاتىستى كەمەجايدىڭ 16 قىزمەتكەرى ۇستالدى. جارىلىستان ەندى ەسىن جيعان جۇرت بيلىك ساياساتىنا قارسى شىعىپ، ءتارتىپ ساقشىلارمەن قاقتىعىسىپ قالدى. دەمەك، ەل استاناسىندا جارىلىسقا دەيىنگى نارازىلىق اكتسيالارىنىڭ قايتا باستالعانى ما؟

جانسۇلۋ دۇيسەنالى، ءتىلشى:

- ول كەزدە ەرەۋىلشىلەر بيلىكتەن ەلدەگى جاعدايدى جاقسارتۋدى سۇراعان ەدى. ال بۇل ەرەۋىلدەر بيلىككە كىنا تاعۋعا باعىتتالعان. 140 تان استام ادامنىڭ ءولىمى مەن بەس مىڭ تۇرعىننىڭ جاراقات العانىنا بيلىك كىنالى. وسىنداي ۇرانمەن ليۆان استاناسىندا وتكەن ءتۇنى ەرەۋىلدەر ءوتتى. جيىلعان جۇزدەن استام جۇرت بيلىك ساياساتىن قاتاڭ سىنعا الدى. ەرەۋىلشىلەر «قالالىق كەمەجايداعى ءبىر ەمەس ەكى جويقىن جارىلىس ساياساتكەرلەردىڭ قول قۋسىرىپ التى جىل بويى قاراپ وتىرۋىنان» ، دەيدى.

نارازىلىق اكتسياسى ءتارتىپ ساقشىلارىمەن قاقتىعىسقا ۇلاستى. بۇل ارادا ەل بيلىگى تەرگەۋ جۇمىستارىنىڭ جالعاسىپ جاتقانىن حابارلادى. ءتارتىپ ساقشىلارى ىسكە قاتىسى بار تەڭىز ايلاعىنىڭ 16 قىزمەتكەرىن ۇستاپتى. ونىڭ قاتارىندا كەمەجاي ديرەكتورى دا بار. تاعى 20 قىزمەتكەردەن جاۋاپ الىنىپ جاتىر. بۇعان دەيىن بيلىك كەمەجاي باسشىلارىنىڭ بارلىعىن ءۇي قاماعىنا جىبەرگەن بولاتىن. اتالعان شارالارعا قاراماستان، تۇرعىنداردىڭ اشۋ- ىزاسى باسىلمادى. كوشەدە كورگەن ساياساتكەرلەرىنە سۋ شاشىپ، بالاعاتتاپ جاتىر. وسىلايشا، سىرتقا شىققان ادىلەت ءمينيسترى حالىقتىڭ قاھارىنا ۇشىرادى.

جارىلىسقا سەبەپ بولعان اممياك سەليتراسى بەيرۋتتەگى كەمەجايدا التى جىلعا جۋىق ۋاقىت ساقتالعان. جۇك رەسەي ازاماتىنا تيەسىلى كەمەدەن 2014 -جىلى تاركىلەنگەن. حيميكات سول جىلى موزامبيككە جەتكىزىلۋى كەرەك بولعان. ءبىراق كەمە سىنىپ، بەيرۋتتەگى كەمەجايعا توقتايدى. وندا تاسىمالداۋ ەرەجەلەرىن بۇزعانى ءۇشىن ەكيپاج مۇشەلەرى تۇتقىندالادى. تاركىلەنگەن 3 مىڭ تونناداي سەليترا ليۆان كولىك مينيسترىلىگىنىڭ جاۋاپكەرشىلىگىمەن قويماعا تۇسىرىلەدى. 2014 -جىلى بەيرۋتكە وسى حيميكاتتى جەتكىزگەن كەمەنىڭ ەكس- كاپيتانى بوريس پروكوشيەۆ قاۋىپتى جۇكتىڭ ساقتالۋ ەرەجەسى بۇزىلعانىن ايتادى.

بوريس پروكوشيەۆ، MV Rhosus كەمەسىنىڭ بۇرىنعى كاپيتانى:

- مەن، ارينە، جارىلىستىڭ نەدەن شىققانىن بىلمەيمىن. ءبىراق قاۋىپتى زاتتىڭ وسىنشاما ۋاقىت قويمادا تۇرعانىنا تاڭ قالدىم. ءبىز كەمەجايعا كەلگەن سوڭ جۇك يەسى ءوز تاۋارىن 10 ايداي ىزدەمەگەن. سوندىقتان ول 2014 نەمەسە 2015 -جىلى قويماعا ءتۇسىرىلدى. سودان بەرى اممياك سەليتراسىن قاۋىپتى جۇك دەپ تىركەلمەگەن. بولماسا، حيميكاتتى قالادان الىس جەرگە كوشىرۋ كەرەك ەدى.

بۇل ارادا بەيرۋتتە ىزدەستىرۋ- قۇتقارۋ جۇمىستارى جالعاسىپ جاتىر. زارداپ شەككەن اۋدانداردى قيراندىلاردان تازالاۋعا جەرگىلىكتى تۇرعىندار دا قوسىلعان. ەرىكتىلەر ءوز جاقىندارىن، تۋىستارىن تاۋىپ الامىن با دەگەن ۇمىتتە. ايتا كەتەيىك، ونداعان تۇرعىن جارىلىستان كەيىن ءىز- ءتۇزسىز جوعالىپ كەتكەن. اپاتتان كەيىن بەيرۋتكە فرانتسيا پرەزيدەنتى ەممانۋەل ماكرون بارىپ قايتتى. ارىپتەسى ميشەل اۋنمەن كەزدەسىپ، جارىلىس سەبەبىن انىقتاۋ ءۇشىن حالىقارالىق تەرگەۋ توبىن قۇراتىنىن ايتتى. سونداي- اق اپاتتان زارداپ شەككەندەرگە كومەك كورسەتۋ ماقساتىندا قارجى جيناۋ باستالعانىن مالىمدەدى. ماكرون ەل بيلىگىن ساياسي ءارى ەكونوميكالىق رەفورما وتكىزۋگە شاقىردى.

ەممانۋەل ماكرون، فرانتسيا پرەزيدەنتى:

- ليۆان حالقىنا كومەك كورسەتۋ ماقساتىندا ءارى ءوز تىلەكتەستىگىمدى ءبىلدىرۋ ءۇشىن كەلدىم. جۋىردا ايماققا گۋمانيتارلىق جۇك تيەلگەن 3 ۇشاق پەن قۇتقارۋشىلار جىبەرىلدى.

«كوپ جۇمىلسا، كول» دەمەكشى الداعى ۋاقىتتا دا ەۋروپا ەلدەرى مەن وزگە دە مەملەكەتتەر جاردەمدەسەتىن بولادى. قايعىلى وقيعا الەم جۇرتشىلىعىنىڭ قابىرعاسىن قايىستىرعانى ءسوزسىز. «جۇمىلا كوتەرگەن جۇك جەڭىل» ، دەپ الەم ەلدەرى بىردەن الەۋمەتتىك كومەك جولداۋعا كىرىستى. بەيرۋتتە جارىلىستان كەيىنگى ەكولوگيانى زەرتتەۋ ءۇشىن يتاليا ءوز ساراپشىلارىن جىبەردى. ماسكەۋدەن 150 ادامنان قۇرالعان، دارىگەر، قۇتقارۋشى، پسيحولاگتار باردى. يران، تۇركيا قاجەتتى ءدارى- دارمەكپەن قامتىلعان الەۋمەتتىك كومەكتى اتتاندىردى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات