+7 (701) 759 90 19
5 °С : نۇر-سۇلتان
7 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

اۋە رەيستەرىن قايتا باستاۋ جاعدايدى ەسكەرە وتىرىپ الداعى كەزەڭدە قارالادى - تۇركيا ەلشىلىگى

7 تامىز 20:46
:ءبولىسۋ
اۋە رەيستەرىن قايتا باستاۋ جاعدايدى ەسكەرە وتىرىپ الداعى كەزەڭدە قارالادى - تۇركيا ەلشىلىگى

نۇر- سۇلتان. قازاقپارات - قازاقستانداعى تۇركيانىڭ ەلشىلىگى قازاقستان مەن تۇركيا اراسىنداعى اۋە قاتىناسىنىڭ ەكى اپتاعا توقتاتىلۋ سەبەبىن ءتۇسىندىردى، دەپ حابارلايدى قازاقپارات ءتىلشىسى.

ەسكە سالا كەتسەك بۇعان دەيىن تۇركيا مەن قازاقستان اراسىنداعى اۋە قاتىناسى ەكى اپتاعا توقتاتىلاتىنى حابارلانعان بولاتىن. بۇل تۋرالى تۇرىك تاراپى Air Astana كومپانياسىنىڭ جولاۋشىلار ۇشاعى انادولى ەلىنە ۇشقالى جاتقان كەزىندە تەلەفونمەن حابارلادى. ءبىر ساعاتتان كەيىن اۋە قاتىناسىن جاساۋعا تىيىم سالاتىن رەسمي قۇجات جىبەردى. دەگەنمەن، الماتى- ىستانبۇل- الماتى رەيسىن اياقتاۋعا ءبىر جولعا رۇقسات بەرىلدى. ءسويتىپ، جوسپارلى ۋاقىتتان ەكى ساعاتقا كەشىككەن 101 جولاۋشى ىستانبۇلعا اتتاندى. قازاقستانداعى تۇركيانىڭ ەلشىلىگى بۇل جاڭالىققا قاتىستى بۇگىن حابارلاما تاراتتى. ەلشىلىكتىڭ حابارلاۋىنشا تۇركيا كوروناۆيرۋس پاندەمياسىمەن كۇرەس اياسىندا باۋىرلاس قازاقستاننىڭ قابىلداعان شارالارىن جوعارى باعالايدى. باسىنان باستاپ قازاقستانىڭ پاندەميامەن كۇرەس جونىندەگى كۇش- جىگەرىنە قولداۋ كورسەتىپ كەلەدى.

«وسى ۋاقىتقا دەيىن تۇركيادان قازاقستانعا ەكى رەت رەسمي دەڭگەيدە اۋقىمدى مەديتسينالىق ماتەريالدار مەن دارىلىك زاتتار تۇرىندە كومەك جەتكىزىلدى. ءبىرقاتار تۇرىك كومپانيالارى دا قازاقستانعا كومەك جىبەردى. بۇكىل الەمدە كوروناۆيرۋس ىندەتى دەنساۋلىققا ءتوندىرىپ تۇرعان قاۋىپ- قاتەر اياسىندا ەلدەر حالىقارالىق ساپارلارعا ءبىرقاتار شەكتەۋ قويۋى مۇمكىن. وسىعان بايلانىستى وتكەن كەزەڭدە تۇركيا دا كوپتەگەن ەلدەرمەن جولاۋشىلار تاسىمالىن ۋاقىتشا توقتاتقان بولاتىن. دەگەنمەن قازاقستان تۇركيانىڭ حالىقارالىق اۋە قاتىناسىن قايتا باستاعان ساناۋلى ەلدەردىڭ ءبىرى بولدى» ، - دەپ حابارلايدى ەلشىلىكتەن.

حابارلانىپ وتىرعانداي، بۇل جولى ماسەلەگە قاتىستى جاسالعان باعالاۋ اياسىندا تۇركيا 2020 -جىلدىڭ 5 -تامىزىندا ءبىرقاتار ەلدەرمەن، سونىڭ ىشىندە قازاقستانمەن حالىقارالىق اۋە كومپانيالاردىڭ جولاۋشىلار رەيستەرىن ورىنداۋدى ۋاقىتشا توقتاتۋ تۋرالى شەشىم قابىلداعان.

«بۇل شەشىم تۇركيا مەن قازاقستان اراسىندا جولاۋشىلار تاسىمالىن جۇزەگە اسىراتىن بارلىق اۋە كومپانيالاردى قامتيدى. شەشىم قابىلدانعاننان كەيىن 2020 -جىلعى 5 -جانە 6 تامىز كۇندەرىندە جوسپارلانعان سوڭعى ءوزارا رەيستەر قاجەتتى رۇقساتتارمەن ورىندالدى. اۋە رەيستەرىن قايتا باستاۋ تۋرالى ماسەلەنى پاندەميا اعىمىن جانە ەلدەردەگى سانيتارلىق- ەپيدەميولوگيالىق جاعدايدى ەسكەرە وتىرىپ، ءتيىستى ورگاندار الداعى كەزەڭدە قارايتىن بولادى. تۇركيا وسى كۇنگە دەيىن بولعانداي ءاردايىم دوس جانە باۋىرلاس قازاقستان حالقىنىڭ جانىنان تابىلادى» ، - دەلىنگەن حابارلامادا.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات