قازاقستانعا وزبەكستاننان قارا ورىك ەكسپورتتاۋعا تىيىم سالىندى

None
None
نۇر- سۇلتان. قازاقپارات - 2020 -جىلدىڭ 6-تامىزىنان باستاپ قر اۋىل شارۋاشىلىعى مينيسترلىگى ا و ك مەملەكەتتىك ينسپەكتسيا كوميتەتى تاراپىنان قازاقستانعا وزبەكستان رەسپۋبليكاسىنىڭ اۋماعىنان قارا ورىك اكەلۋگە تىيىم سالدى، دەپ حابارلادى ق ر ا ش م باسپا ءسوز قىزمەتى.

«مۇنداي شەشىم وزبەكستاننان كەلگەن جەمىستەردە كارانتين وبەكتىلەرىن انىقتاۋدىڭ جيىلەپ كەتۋىنەن تۋىندادى. 2020 -جىلدىڭ 24 -شىلدەسىنەن 1 -تامىزىنا دەيىن وسىمدىكتەر كارانتينى سالاسىنداعى زاڭنامانى بۇزۋدىڭ 18 فاكتىسى انىقتالدى، ونىڭ ىشىندە 3 جاعدايدا جەمىستە شىعىس كوبەلەگى (Grapholitha tolesta Busck)، ءبىر جاعدايدا - كومستوك قۇرتى (Pseudoccus comstocki (Kuwana) تابىلدى»، - دەلىنگەن حابارلامادا.

شەكتەۋ شارالارى ەۋرازيالىق ەكونوميكالىق وداققا مۇشە مەملەكەتتەرگە ۋاقىتشا قولايلى كارانتيندىك فيتوسانيتاريالىق جاعدايدى قامتاماسىز ەتۋ قۇقىعى بەرىلگەن زاڭناماعا سايكەس ەنگىزىلگەن.

«شىعىس كوبەلەگى - قاۋىپتى كارانتيندىك زيانكەس سانالادى. شابدالى، ورىك، الما، نەكتارين، قارا ورىك، بەجە (ايۆا) ، المۇرت، شيە، لاۆر، بادامنىڭ وسىندىلەرى مەن جەمىستەرىنە %90 دەيىن زيان كەلتىرۋى مۇمكىن. قۇرت كەمىرگەن بۇتاق قۋراپ، جاپىراق سولىپ، وسىمدىك جەمىسى سارعايىپ، ساپاسى ناشارلايدى. سونداي- اق، بۇل قۇرت زاقىم كەلگەن اعاشتىڭ جانىندا وسەتىن كوكونىس داقىلدارىنا دا قاۋىپتى. ناتيجەسىندە كوبىنە قىزىلشاعا 35%، كارتوپقا 42% زيان كەلەدى»، - دەپ مالىمدەدى ق ر ا ش م باسپا ءسوز قىزمەتى.

اۆتور: ءاليحان اسقار ۇلى

سوڭعى جاڭالىقتار