اقتوبەدە نايزاعاي تۇسكەن قامىس القابى ورتەنىپ جاتىر
ايتەكە بي اۋدانىنىڭ بەلقوپا اۋىلى ماڭىندا ءورت شىقتى. قامىستى القاپتىڭ تورتتەن ءبىر بولىگى جانىپ كەتكەن. اۋماعى 50 گەكتاردى قۇرادى. قازىر ءورت ءسوندىرىلىپ جاتىر. بارلىعى 7 تەحنيكا مەن 23 ادام جۇمىلدىرىلدى.
«كەشە جاڭبىر جاۋدى، نايزاعاي ءتۇستى. بولجام بويىنشا ءورت سودان شىعۋى مۇمكىن. كورشى اۋىلدارعا قاۋىپ جوق. قامىستىڭ بيىكتىگى 5-6 مەتر. ءتۇتىننىڭ قويۋ بولۋى سوندىقتان. مۇنداي وقيعا 2012 -جىلى دا تىركەلگەن بولاتىن» ، - دەدى ت ج د باستىعى مارعۇلان امانبايەۆ.
اقتوبە قالاسىنان دا قوسىمشا كۇش جىبەرىلدى.
«بەلقوپا اۋىلىنىڭ جانىندا اۋماعى 400 گەكتار بولاتىن قامىس القابى بار. ونىڭ 50 گەكتارى ورتەنىپ كەتتى. ءورت سوندىرۋشىلەر جەدەل جەتىپ، سول جەردە جۇمىس ىستەپ جاتىر. وبلىستىق ت ج د باستىعى مارعۇلان امانبايەۆ، اۋدان اكىمىنىڭ ورىنباسارى مەن ەرىكتىلەر سول جەردە. اۋىلعا ءقاۋىپ ءتونىپ تۇرعان جوق. قامىس اراسىندا ادام دا، تەحنيكا دا كىرە المايدى. ءارى باتپاق. اۋىلعا ءورت جەتپەۋى ءۇشىن تراكتورمەن جان- جاعىن جىرتىپ جاتىرمىز»، - دەدى اقتوبە وبلىستىق ت ج د باستىعىنىڭ ورىنباسارى اسقار تولەشو ۆ.