تۇركيا مەن قازاقستان اراسىنداعى اۋە قاتىناسى ەكى اپتاعا توقتاتىلدى

نۇر- سۇلتان. قازاقپارات - تۇركيا قازاقستانمەن اراداعى اۋە قاتىناسىن توقتاتادى، دەپ حابارلايدى قازاقپارات «حابار 24» تەلەارناسىنا سىلتەمە جاساپ.

بۇل تۋرالى تۇرىك تاراپى Air Astana كومپانياسىنىڭ جولاۋشىلار ۇشاعى انادولى ەلىنە ۇشقالى جاتقان كەزىندە تەلەفونمەن حابارلادى.

ءبىر ساعاتتان كەيىن اۋە قاتىناسىن جاساۋعا تىيىم سالاتىن رەسمي قۇجات جىبەردى. دەگەنمەن، الماتى- ىستانبۇل- الماتى رەيسىن اياقتاۋعا ءبىر جولعا رۇقسات بەرىلدى. ءسويتىپ، جوسپارلى ۋاقىتتان ەكى ساعاتقا كەشىككەن 101 جولاۋشى ىستانبۇلعا اتتاندى. ءمالىم بولعانداي، يران مەن اۋعانستانىڭ اۋە رەيستەرىن دە ىسكە اسىرۋعا شەكتەۋ قويىلعان.