قىتايدا كوروناۆيرۋسقا تەست جاساتۋ مۇمكىندىگى ارتتى

نۇر-سۇلتان. قازاقپارات - قىتايدا سوڭعى تاۋلىكتە تاعى 57 ازاماتتان كوروناۆيرۋس انىقتالدى. ونىڭ 20-سىندا اۋرۋ بەلگىلەرى بايقالماعان. بۇل تۋرالى ۇلتتىق دەنساۋلىق ساقتاۋ كوميسسياسى حابارلادى.

جالپى، ۆيرۋس جۇقتىرۋ دەرەكتەرى سانى از بولعانىنا قاراماستان، سوڭعى اپتالاردا قىتاي بيلىگى كۇندەلىكتى تەستىلەۋ كولەمىن مەيلىنشە ارتتىرىپ كەلەدى.

بۇگىندە ونىڭ سانى 4 ميلليون 840 مىڭعا جەتەدى. تەست سىناماسى بۇكىل ەل بويىنشا 5 مىڭعا جۋىق اۋرۋحانادا الىنادى. وعان 38 مىڭ مامان جۇمىلدىرىلعان. بۇدان بولەك، قازىر قىتايدىڭ فارماتسيەۆتيكالىق كومپانيالارى گەرمانيالىق ارىپتەستەرىمەن بىرلەسە جاساعان ۆاكسينانى ادامدارعا سىناۋدىڭ ءبىرىنشى كەزەڭىن باستادى. وعان جياڭسۋ پروۆينتسياسىنان 144 ەرىكتى قاتىسىپ جاتىر. بەلگىلى بولعانداي، سىناقتان الدىمەن 18 بەن 55 جاس ارالىعىنداعى ازاماتتار وتەدى. كەيىن 55-تەن اسقان ەرىكتىلەر قاتىسادى. مامانداردىڭ ايتۋىنشا، ءاربىر قاتىسۋشى اراعا 21 كۇن سالىپ، ەكى ەكپە قابىلدايدى.

www.24.kz