پاۆلودار اكىمى ۋاتساپ ءنومىرىن جاريالادى

نۇر-سۇلتان. قازاقپارات- پاۆلوداردىڭ جاڭا اكىمى ەرجان يمانسليام ءوزىنىڭ WhatsApp ءنومىرىن جاريالادى.

«قۇرمەتتى پاۆلودارلىقتار! حالىق ۇنىنە قۇلاق اساتىن مەملەكەت - بۇل حالىقتىڭ ماسەلەلەرى مەن ساۋالدارىنا جەدەل جاۋاپ بەرەتىن بيلىك. وسى ءبىر جارىم اپتا ىشىندە مەن الەۋمەتتىك جەلىلەردەگى اككاۋنتتار ارقىلى جۇزدەن استام ءوتىنىش الدىم. ولاردىڭ كەيبىرەۋلەرى بىردەن شەشىمىن تاپتى، كەيبىرى مۇقيات قاراۋدى تالاپ ەتەدى. پاۆلودار قالاسى اكىمدىگىنىڭ رەسمي سايتىندا «ونلاين- قابىلداۋ» سەرۆيسى جۇمىس ىستەيدى، وندا وزىدەرىڭىزدى تولعاندىرعان سۇراقتارىڭىزدى ماعان تىكەلەي قويا الاسىزدار. سول سەرۆيس ارقىلى مەنىڭ جەكە قابىلداۋىما جازىلا الاسىزدار. سىلتەمە ستوريسكە بەكىتىلگەن. ءبىزدىڭ ديالوگ ودان دا ناتيجەلى بولۋ ءۇشىن مەن بۇگىننەن باستاپ جەكە WhatsApp ءنومىرىمدى ىسكە قوسامىن: 87785984948 «، - دەپ جازدى اكىم Instagram پاراقشاسىندا.