ۇلتتىق قاۋىپسىزدىك كوميتەتى ەل تاريحىنداعى ەڭ ءىرى ەسىرتكى زەرتحاناسىن ۇيىمداستىرعانداردى ۇستادى
«زەرتحانانى جانە ۇستالعانداردىڭ تۇرعىن ءۇيى مەن اۆتوكولىگىن ءتىنتۋ بارىسىندا ساتۋعا دايىن جانە كريستالداۋ كەزەڭىندە تۇرعان جالپى كولەمى 55 ك گ- دان ارتىق جوعارى ساپالى «مەفەدرون» ەسىرتكى زاتى (الىنعان پارتيانىڭ «قارا نارىقتاعى» قۇنى شامامەن 1,5 ميلليارد تەڭگەنى قۇرايدى)، سونداي- اق ءىرى سوماداعى شەتەل ۆاليۋتاسى مەن اتىس قارۋى الىندى. ودان باسقا، ەسىرتكى ءوندىرۋدىڭ تولىق ءارى ساپالى سيكلىن قامتاماسىز ەتەتىن زەرتحانا جابدىعى، 30 ك گ ەسىرتكى جاساۋ ءۇشىن جەتكىلىكتى ءبىر تونناعا جۋىق پرەكۋرسور مەن حيميالىق رەاگەنتتەر الىندى»، - دەلىنگەن حابارلامادا.
قازىرگى تاڭدا قولعا تۇسكەن كۇدىكتىلەر تەرگەۋ يزولياتورىندا قاماۋدا جاتىر. ولاردىڭ ۇستىنەن ق ر ق ك 297-بابى 3-بولىگى بويىنشا (ەسىرتكى جاساۋ جانە وتكىزۋ فاكتىسى بويىنشا مۇلىكىن تاركىلەۋ جانە ون بەس جىلعا دەيىنگى مەرزىمگە باس بوستاندىعىنان ايىرۋ) قىلمىستىق ءىس قوزعالدى.
«كۇدىكتىلەر باستاپقىدا تۇرعىلىقتى جەرى بويىنشا جاسىرىن ەسىرتكى سينتەزىن ۇيىمداستىرعان. كەيىننەن ەسىرتكى زاتىن ساتۋدان تۇسكەن اقشاعا «ىلە- الاتاۋ ۇلتتىق پاركى» اۋماعىندا كوتتەدج ساتىپ الىپ، وندا «مەفەدرون» ءوندىرۋ بويىنشا تولىققاندى جاسىرىن زەرتحانا اشقان. ونەركاسىپ اۋقىمىنداعىداي وندىرىلگەن ەسىرتكى ءىرى پارتيالاردا ينتەرنەت جەلىسىنىڭ «DarkNet» كولەڭكەلى سەگمەنتىندە ارەكەت ەتەتىن ءىرى ەسىرتكى دۇكەندەرىنىڭ وكىلدەرىنە وتكىزىلىپ وتىرعان. بۇل رەتتە، ەسىرتكى ءۇشىن تولەمدى باسىم كوپشىلىگىندە بيتكويندارمەن (Bitcoin, BTC) العان»، - دەپ جازدى ق ر ۇ ق ك باسپا ءسوز قىزمەتى.