كانە ۋەست نەگە ا ق ش پرەزيدەنتى بولا المايتىنىن ءتۇسىندىردى
بۇل تۋرالى ول Forbes باسىلىمىنا بەرگەن سۇقباتىندا ايتتى، - دەپ حابارلايدى «يزۆەستيا».
جۋرناليست مۋزىكانتقا قاراشادا وتەتىن پرەزيدەنت سايلاۋىنا قاتىسا المايتىنىن، سايلاۋشىلداردىڭ قولىن جيناپ ۇلگەرمەيتىنىن ايتتى. سەبەبى، ا ق ش- تىڭ ءبىرقاتار شتاتىندا بۇل شارا اياقتالعان. ال زاڭ تۇرعىسىندا بۇل تالاپتى وزگەرتۋ كەش.
«مەن سىزبەن داۋلاسپايمىن»، - دەدى كانە ۋەست جۋرناليستكە.
سونىمەن قاتار، مۋزىكانت «الداعى پرەزيدەنت سايلاۋىنا ا ق ش- تىڭ بۇرىنعى ۆيتسە-پرەزيدەنتى دجوزەف بايدەننەن افروامەريكالىقتاردىڭ داۋىسىن تارتىپ الۋ ءۇشىن قاتىستى» دەگەن پىكىرمەن كەلىستى. الايدا كانە ۋەست اق ءۇي جانە رەسپۋبليكالىق ۇيىمدارمەن بايلانىسى جوق ەكەنىن اتاپ ءوتتى.
كانە ۋەست دەگەن كىم جانە ول نەگە ا ق ش- تىڭ پرەزيدەنتى بولعىسى كەلەدى؟
اسسوشيەيتەد پرەسس اگەنتتىگىنىڭ حابارلاۋىنشا، كانە ۋەست نيۋ-دجەرسي شتاتىندا ا ق ش پرەزيدەنتى سايلاۋىنا قاتىسۋ تۋرالى ءوتىنىشىن كەرى قايتارىپ العان. مەملەكەتتىك سۋديا گەيل كۋكسونگە حات كەلگەن. وندا ۋەستىڭ پرەزيدەنت سايلاۋىنا قاتىسپايتىنى جازىلعان.