الەم ويلاپ تابا قويماعان «كوۆيد» ۆاكتسيناسىنىڭ باعاسى قازاقستاندا بەلگىلەنىپ قويىلدى
ءبىراق اۋەلى ەكپە تابىلۋى كەرەك. ول وتاندىق بولا ما، شەتەلدىك بولا ما ءبارىبىر. ۇكىمەت ۆاكتسينا تابىلعان بەتتە ساتىپ الۋعا دايىن. مۇنى دەنساۋلىق ساقتاۋ مينيسترلىگى مالىمدەدى. ۆەدومستۆو وكىلدەرى العاشقى بولىپ ەكپە الاتىندار جاسى 65 تەن اسقان ءارى سوزىلمالى اۋرۋى بار ازاماتتار مەن اق حالاتتىلار دەيدى. ەلىمىز الەم عالىمدارى ويلاپ تاپقان كوۆيد-19 ۆاكتسيناسىنا العاشقىلاردىڭ ءبىرى بولىپ قول جەتكىزەدى. بۇل رەتتە قازاقستاندىقتاردىڭ 20 پروتسەنتىنە تەگىن ەكپە جاسالۋى ءتيىس.
باعدات قوجا- حمەتوۆ، ق ر دەنساۋلىق ساقتاۋ مينيسترلىگىنىڭ رەسمي وكىلى:
- قازاقستان سەكىلدى ورتا دەڭگەيلى كىرىسى بار ەلدەرگە كوروناۆيرۋس ۆاكتسيناسى 10-20 دوللار كولەمىندە بولادى. بۇعان تاسىمالعا كەتەتىن شىعىن كىرمەيدى. قازىرگى باعاممەن ەسەپتەسەك، قازاقستاندىقتار ءۇشىن ونىڭ قۇنى 4142 تەڭگەدەن 8 مىڭ 500 تەڭگەگە تەڭ بولماق. الايدا باعاسى الدىن الا بەلگىلى بولعان ۆاكتسينانى ءالى ەشكىم ويلاپ تاپقان جوق.
جاۋاپتى مينيسترلىك تەك ەكپەنىڭ ءبىرىنشى كەزەكتە كىمدەرگە جاسالاتىنىن مالىمدەدى. ولاردىڭ قاتارىنا جاسى 65 تەن اسقاندار، جۇرەك- قان تامىرلارى، قانت ديابەتى، وكپە اۋرۋىنا شالدىققاندار جانە مەديتسينا قىزمەتكەرلەرى كىرەدى. ايتا كەتەرلىگى، كوروناۆيرۋسقا قارسى ۆاكتسينانى قازاقستاندىق عالىمدار دا جاساپ قويعان. بۇل ەكپەنى عالىمدار الدىمەن وزدەرىنە ەگىپ، سىناقتان وتكىزىپ جاتىر. الدىندا جانۋارلارعا ەگىلگەن ەدى.
جاننا قۇرمانعاليەۆا ق ر ءبىلىم جانە عىلىم مينيسترلىگى كوميتەتىنىڭ ءتوراعاسى:
- 5 ادامعا سالدى. ناتيجەلەرى جاقسى. قىركۇيەكتىڭ باسىندا 40 ەرىكتىگە سالامىز. ەكەۋى جاسالدى، ەكەۋى ەندى جاساپ جاتىر. ولار جاسالعاننان كەيىن دسۇ پروتوكولى جىبەرىلەدى. تاعى ءۇشىنشى قىلىپ ەنگىزەدى، ءتورتىنشى قىلىپ ەنگىزەدى. كوميتەت ءتوراعاسىنىڭ ايتۋىنشا، عالىمداردىڭ جاعدايى قالىپتى. وزدەرىن جاقسى سەزىنەدى. دەگەنمەن، وتاندىق ۆاكتسينانىڭ تيىمدىلىگى جايىندا ايتۋعا ءالى ەرتە. ونىڭ ۇستىنە، جاسالۋ جولى قۇپيا، جاريا ەتىلگەن جوق.
www.24.kz