تاريحي كوپ سەريالى «مانانا» تەلەحيكاياسى كورمەنگە جول تارتادى
سونىڭ ءبىرى، «مانانا» تاريحي كوپ سەريالى فيلمى. تۋىندى وتكەن عاسىردىڭ باسى مەن ورتاسىندا قازاق حالقىنىڭ باسىنان كەشىرگەن قيلى كەزەڭدى سۋرەتتەيدى. وندا قولدان جاسالعان قيانات فاكتىلەرى جاريالانادى.
تەلەحيكايا وتكەن عاسىردىڭ الپىسىنشى جىلدارى ماسكەۋدە بولعان كەزدەيسوق كەزدەسۋدەن باستالادى. اندرەي اتتى ستۋدەنت ءوزىنىڭ كۋرستاسى قازاق جىگىتىن مانانا ەسىمدى اپكەسىمەن تانىستىرادى. نەمەرە ءىنىسىنىڭ دوسى قازاقستاننان ەكەنىن ەستىگەن ول قاتتى قوبالجىپ، كۇتپەگەن جەردەن كەشىرىم سۇراي باستايدى. سويتسەك، وتىزىنشى جىلدارى مانانا ورتالىقتىڭ ارنايى تاپسىرماسىمەن قازاقستانعا مەدبيكە بولىپ كەلگەن ەكەن. ول سول جىلدارى قازاق زيالىلارىنا اسا قاۋىپتى ينە سالىپتى.
بۇل قولدان جاسالعان گەنوتسيد ەدى. اشى شىندىقتى ەستىگەن قازاق ستۋدەنتى ەسەڭگىرەپ قالادى. بارلىق اكتەر ءتۇسىرىلىم باستالماي تۇرىپ ەل تاريحىن تىڭعىلىقتى زەرتتەپ، ءوز رولدەرىنە مۇقيات دايىندالىپتى. مىسالى، باستى كەيىپكەردىڭ اكەسىن وينايتىن بالتاباي سەيىتمامىت ۇلى بۇل كۇردەلى تۋىندى دەيدى.
بالتاباي سەيىتمامىت ۇلى، ق ر ەڭبەك سىڭىرگەن قايراتكەرى، اكتەر- رەجيسسەر:
- فيلمنىڭ ماعىناسى قازاقتىڭ باسىنا كەلگەن ناۋبەت قوي. 28 جىلعى كونفيسكاسيا. كەلىنى ولەدى، بالاسى ولەدى. ەكىنشى بالاسى ولەدى. سودان سوڭ ەڭ سوڭىندا مۇنى سىبىرگە ايداپ كەتەدى.
وتكەن عاسىردىڭ باسى مەن ورتاسىنداعى تۇرمىستى قاز- قالپىندا بەينەلەۋ وڭاي سوقپاپتى. قازىرگى زامان دا، قولدانىستاعى زاتتاردا باسقا. كەڭەستىك داۋىردەگى كوپتەگەن بۇيىم انتيكۆارياتقا اينالعان. سوندىقتان دەكوراتورلار مەن سۋرەتشىلەردىڭ ءبىراز ەڭبەكتەنۋىنە تۋرا كەلگەن.
مەردان راباتوۆ، قويۋشى- رەجيسسەردىڭ اسسيستەنتى:
- ايدالاعا كەلىپ دەكوراتسيا ءتۇسىرۋ وڭاي ەمەس. اۋا رايىنىڭ قولايسىزدىعىنان قينالدىق. ويتكەنى جاۋىن- شاشىن كوپ بولىپ كەتتى. كيىمدەرىمىز سۋ بولدى. ايتار ويى سالماقتى تەلەحيكايا تاريحي اقتاڭداقتارعا، كۇتپەگەن وقيعالارعا تولى.
تەلەحيكاياعا اكىم تارازيدىڭ «اندرەي» اتتى ەسسەسى مەن «جاس تۇلپار» ۇيىمىن قۇرۋشىلاردىڭ ءبىرى مۇرات اۋەزوۆتىڭ ەستەلىكتەرى ارقاۋ بولعان. «مانانا» سەريالى جاقىن كۇندەرى «حابار» تەلەارناسىنان كورسەتىلەدى.