التاي اۋدانىندا تۋريستىك نىساندارعا اپاراتىن جول سالىنادى
بۇل كورسەتكىشتى ودان ارى ارتتىرۋ ءۇشىن التاي اۋدانى دەمالىس ورىندارىنىڭ ينفروقۇرلىمىن جاقسارتۋعا ءمان بەرىلمەك.
ول ءۇشىن الداعى ەكى جىلدا 50 شاقىرىم جولعا اسفالت توسەلەدى. ناتيجەسىندە اۋدان ەكونوميكاسىن وسى سالادان تۇسەتىن تابىس ارقىلى دا كوتەرۋگە كۇش سالماق. وتكەن جىلدارى التاي اۋدانىنىڭ بيۋدجەتىنە تۋريستىك نىسانداردان تەك سالىقتان 70 ميلليونعا جۋىق تەڭگە تۇسكەن. پاندەمياعا قاراماستان بيىل دا بۇقتىرما ايماعىنداعى جاعاجايلاردا ينە شانشار ورىن جوق.
سەرگەي وحرەمەنكو، التاي اۋدانى اكىمىنىڭ ورىنباسارى:
- تۋريستىك سالانىڭ ءبىز ءۇشىن بولاشاعى ەرەكشە. سوندىقتان اۋدان تاراپىنان التاي اۋىلىنا جاقىن جاعاجايلاردى دامىتۋدى قولعا الامىز. كەلەر جىلى 58 شاقىرىم جولعا اسفالت توسەيمىز. وسىلايشا جاعاعا جاقىن بىرنەشە اۋىلدىڭ جولى جوندەلەدى. جولاۋشىلار سول ارقىلى قالقىمالى وتكەلگە جەتىپ قوتانقاراعاي جولىنا تۇسەدى.
www.24.kz