+7 (701) 759 90 19
-8 °С : نۇر-سۇلتان
-9 °С : الماتى
USD 420.67 EUR 510.99
RUB 5.58 CNY 64.92
جاڭالىقتار

اقتوبەدەگى قازدى ارال تۇراعىندا قولا ءداۋىرىنىڭ جادىگەرى تابىلدى

6 تامىز 15:48
:ءبولىسۋ
اقتوبەدەگى قازدى ارال تۇراعىندا قولا ءداۋىرىنىڭ جادىگەرى تابىلدى

اقتوبە. قازاقپارات - اقتوبە وبلىسى، ويىل اۋدانىنداعى قازدىارال تۇراعىندا ەرتە قولا ءداۋىرىنىڭ جادىگەرى تابىلدى، دەپ حابارلايدى قازاقپارات ءتىلشىسى.

اقتوبە وبلىستىق تاريحي- ولكەتانۋ مۋزەيى مەن ويىل اۋداندىق ونەر جانە ولكە تاريحى مۋزەيى ش. بەرسييەۆ سەلولىق وكرۋگىندەگى قازدى ارال تۇراعىندا زەرتتەۋ جۇمىسىن جۇرگىزدى. مۇنىڭ ءبارى جوسپاردان تىس اتقارىلعان شارۋا.

«اۋىل تۇرعىنىنىڭ ءبىرى كەزدەيسوق ولجاعا تاپ بولعان. ولار قۇمىرا مەن ادام سۇيەگىن تاپتى. الدىمەن سۋرەتكە ءتۇسىرىپ، قورىققان سوڭ ءبارىن قايتا كومگەن. ارادا ەكى اي ۋاقىت وتكەندە سۋرەت الەۋمەتتىك جەلى ارقىلى تارادى. تاريحشى، ارحەولوگتار، مۋزەي قىزمەتكەرلەرى شىلدە ايىنىڭ ورتا تۇسىندا سۋرەتتەردى كورگەن. ءدال سول كەزدە اۋدانداعى شوپتىكول اۋىلىنداعى قازبا جۇمىستارى اياقتالعان بولاتىن.

ارحەولوگ اسلان مامەدوۆ، «ەرتە قولا داۋىرىنە ءتان، قۇندى جادىگەر» دەپ باعالادى. كوپ ۇزاماي وبلىستىق تاريحي- ولكەتانۋ مۋزەيى مەن ويىل اۋداندىق ونەر جانە ولكە تاريحى مۋزەيى بىرلەسىپ بارلاۋ جۇمىسىن جۇرگىزۋگە كىرىستى. جەرگىلىكتى تۇرعىنداردان، تاۋىپ العان ادامداردان سۇراستىرىپ، باردىق. شامامەن ورىندى كورسەتتى، ءبىراق تابىلمادى. ول اۋىلدا قۇم كوشكىنى جۇرەدى. بىردەن تابۋ قيىن»، - دەدى ش. بەرسيەۆ اتىنداعى ويىل اۋداندىق ونەر جانە ولكە تاريحى مۋزەيىنىڭ ديرەكتور مەدەت قۇلمۇقانوۆ.

الايدا زەرتتەۋ توبى ولجاعا كەنەلدى. قازبا جۇمىستارى كەزىندە ەرتە قولا ءداۋىرىنىڭ قابىرى تابىلدى.

«قازدى ارال تۇراعىندا ءبىر كۇن بويى قازبا جۇمىسى جۇرگىزىلدى. ءۇش نەگىزى ساقتالعان قابىر قازىلدى. ەكى قايتا كومىلگەن شۇڭقىر اشىلدى. قابىر ەرتە قولا داۋىرىنە، ەكى شۇڭقىر ورتا عاسىرلىق كەزەڭگە جاتادى. ارحەولوگ اسلان مامەدوۆتىڭ بولجامى بويىنشا، مۇندا وعىزدار جەرلەنگەن بولۋى مۇمكىن. ءارى ەليتالىق. جەرلەنگەن بالا سۇيەگى وزگەرتىلگەن. باس سۇيەكتى وزگەرتۋ جوعارى تاپ وكىلىنە ءتان. ورتا عاسىرعا ءتان قابىردى قازۋ كەزىندە قۇمىرا، جەبەنىڭ ۇشى، پىشاق، قولا بۇيىمدار دا انىقتالدى. ەرتە قولا داۋىرىنە ءتان قابىردە ەرلى- زايىپتى جەرلەنگەن. اياعى بۇگۋلى. ءبىر ەرەكشەلىگى - بۇعان دەيىن ەرتە قولا داۋىرىنە ءتان ەسكەرتكىشتەردە مال سۇيەگى بولمادى. قازدى ارالدا قوي سۇيەگى قازىلىپ الىندى. زەرتتەۋدى قاجەت ەتەتىن قازبا جۇمىسى بولدى»، - دەدى مەدەت قۇلمۇقانوۆ.

زەرتتەۋ كەزىندە تاعى 10 عا جۋىق جەردە ىزدەۋ جۇمىسى ءجۇردى. الايدا ارحەولوگتاردى قىزىقتىرعان قۇمىرا تابىلمادى. ايتا كەتەيىك، 2012 -جىلى ويىلدا بارلاۋ جۇمىسى جۇرگىزىلدى. قازدى ارالدا ءۇش قۇم كوشكىنىنەن جادىگەرلەردى تەرىپ الدى. ەرتە تاس داۋىرىنە ءتان جادىگەرلەر جينالىپ، سيپاتتالىپ، مۋزەيگە تاپسىرىلدى.


«قازدى ارال زەرتتەۋدى قاجەت ەتەدى. سوندىقتان ارنايى بەلگى قويىلدى. اۋماقتى قورعاۋعا الۋ ءۇشىن ينسپەكسياعا حابار بەردىك»، - دەدى مەدەت قۇلمۇقانوۆ.


قازبا جۇمىسىنا اۋداننىڭ ەرىكتى جاستارى دا قاتىستى. بۇگىنگى تاڭدا مۋزەيدە جاس ارحەولوگتار ۇيىرمەسى جۇمىس ىستەيدى.

اۆتور: التىناي ساعىندىقوۆا


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات