15:04, 06 - تامىز 2020 | GMT +6
سەمەيدە زيرات ورتەندى
سەمەي. قازاقپارات - سەمەي قالاسىندا زيراتتا ءورت شىققان، دەپ حابارلايدى قازاقپارات ءتىلشىسى.
قالالىق توتەنشە جاعدايلار باسقارماسى باسپا ءسوز قىزمەتىنىڭ مالىمەتىنشە، بۇگىن ساعات 11.45 شاماسىندا ءورت سوندىرۋشىلەرگە «سەمەي- كوكەنتاي» تاسجولىنىڭ 3 شاقىرىمىندا ءورت شىققانى جايلى حابار تۇسكەن. قىزىل جالىندى اۋىزدىقتاۋعا 3 اۆتوتسيستەرنا مەن جەكە قۇرامنان 9 ادام اتتاندى.
«ولار وقيعا ورنىنا كەلىپ جەتكەنشە زيراتتاعى ءورت 300 شارشى مەتر اۋماقتاعى شوپكە جايىلعان. سونداي- اق ءتىلسىز جاۋدىڭ سالدارىنان 45 مولا ءبۇلىندى. ءورت ساعات 12.42-دە تولىقتاي ءسوندىرىلدى»، - دەلىنگەن ۆەدومستۆو مالىمەتىندە.
ايتا كەتەيىك، ءورتتىڭ شىعۋ سەبەبى وتتى ابايسىز پايدالانۋدان بولۋى مۇمكىن.
اۆتور: تالعاتجان مۇحامەتبەك ۇلى