+7 (701) 759 90 19
-8 °С : نۇر-سۇلتان
-11 °С : الماتى
USD 420.67 EUR 510.99
RUB 5.58 CNY 64.92
جاڭالىقتار

كوروناۆيرۋس كەزىندە نارەستەگە كۇتىم جاساۋ ءتارتىبى قانداي

6 تامىز 14:19
:ءبولىسۋ
كوروناۆيرۋس كەزىندە نارەستەگە كۇتىم جاساۋ ءتارتىبى قانداي

نۇر- سۇلتان. قازاقپارات - «پەدياتريا جانە بالالار حيرۋرگياسى عىلىمي ورتالىعى» ا ق باسقارما ءتورايىمى، مەديتسينا عىلىمىنىڭ دوكتورى ريزا بورانبايەۆا جاڭا تۋعان نارەستە مەن بالالارعا كوروناۆيرۋس قالاي اسەر ەتەتىنى تۋرالى ايتىپ بەردى.

«ءبىزدىڭ جانە باسقا دا رەسپۋبليكالىق ورتالىقتاردىڭ ماماندارى COVID-19 ىندەتىن جۇقتىرعان انالاردىڭ نارەستەلەرىنە كۇتىم جاساۋدىڭ الگوريتمىن دايىندادى. وسىنداي نارەستەلەرگە مەديتسينالىق كومەك اتالعان الگوريتمگە سايكەس جۇرگىزىلەدى. بارلىق وڭىرلەر الگورتيمگە سۇيەنىپ، ءتيىستى قادامداردى جاسايدى. وندا ينفەكتسيا جۇقتىرعان انالاردى بوساندىرىپ الۋ، جاڭا تۋعان نارەستەنى وقشاۋلاۋ، بالاعا كۇتىم جاساۋ ءتارتىبى قامتىلعان»، - دەپ ءتۇسىندىردى پەدياتر دارىگەر.

سونىمەن قاتار ر. بورانبايەۆا كوروناۆيرۋسقا شالدىققان جۇكتى ايەلدەرگە ارنالعان پەرزەنتحانالار تۋرالى ايتىپ بەردى.

«جۇكتى ايەلدە كوروناۆيرۋس ينفەكسياسى انىقتالسا، وندا ول جالپى پەرزەنتحانادا بوسانبايدى. سايكەسىنشە، ول ىندەت جۇقتىرعان ايەلدەرگە ارنالعان پەرزەنتحاناعا جەتكىزىلەدى. نارەستەنى الۋ ءۇشىن بىردەن نەوناتولوگتار بريگاداسى دايىندالادى، ياعني ولار بالانى وقشاۋلانعان باسقا بولمەدە كۇتىپ تۇرادى. نارەستە ومىرگە كەلگەننەن كەيىن، ونى دارىگەرلەردىڭ وسى بريگاداسىنا تاپسىرادى. نەوناتولوگتار بالانىڭ دەنساۋلىق جاعدايىن باعالاپ، اناسىنان بولەك شىعارادى. سەبەبى نارەستە اناسىنان ينفەكسيانى جۇقتىرعانىن نەمەسە جۇقتىرماعانىن بىلمەيمىز. بالادان كوروناۆيرۋس ينفەكسياسىنا اناليز الىنادى. وسى ورايدا بالانىڭ ينفەكسياعا قاتىستى جاعدايى انىقتالعانشا، ونى بولەك ۇستايمىز. ەگەر بالادا ينفەكسيا ناقتىلانسا، ال اناسىنىڭ جاعدايى قاناعاتتانارلىق دەڭگەيدە بولسا جانە كوروناۆيرۋس سيمپتومسىز ءوتىپ جاتسا، وندا بالانى اناسىنا تاپسىرامىز. ويتكەنى، بالانى بولەكتەۋدىڭ نەگىزى جوق، ەكەۋىندە دە ينفەكسيا بار»، - دەدى دارىگەر.

ونىڭ سوزىنە قاراعاندا، كوروناۆيرۋس بالاعا ۆەرتيكالدى جولمەن جۇقپايدى، اناسىنان قۇرساقتاعى بالاعا ىندەت تارالمايدى.

«نەگىزىنەن نارەستە ينفەكسيانى بوسانۋ جولدارىنان وتكەن كەزدە جۇقتىرادى. سوندىقتان اناسى مەن بالاسىندا ىندەت انىقتالسا، ولار ءبىر- بىرىنەن اجىراتىلمايدى. ەگەر دە نارەستەدە ينفەكسيا بولماسا، وندا ونى ۋاقىتشا باسقا پالاتاعا وقشاۋلايمىز. سەبەبى بالانى ەمىزگەن كەزدە ىندەتتى جۇقتىرۋ قاۋپى بولادى. وسىدان كەيىن اناسى مەن بالانىڭ جاعدايى جاقسى بولسا، ولاردى پەرزەنتحانادان شىعارۋ مۇمكىندىگى قاراستىرىلادى»، - دەپ ناقتىلادى ول.

بالالاردىڭ 20 پايىزى ىندەتتى ورتاشا اۋىر جانە اۋىر فورمادا ەڭسەرەدى اتاپ ايتقاندا، بالالار مەن نارەستەلەردە كوروناۆيرۋس ينفەكسياسى نەگىزىنەن سيمپتومسىز نەمەسە جەڭىل فورمادا وتەدى. ياعني، بۇل بالالاردىڭ 80 پايىزعا جۋىعى اۋرۋدى سيمپتومسىز ءارى جەڭىل فورمادا ەڭسەرەتىنىن بىلدىرەدى.

«بالالاردىڭ 20 پايىزىندا ىندەت ورتاشا اۋىر جانە اۋىر فورمادا وتەدى. ولار كوبىنە سوزىلمالى ءارى قوسالقى اۋرۋلارى بارلار. وسى سوزىلمالى اۋرۋلار ينفەكتسيا كەزىندە جاعدايدى قيىنداتىپ، اسقىندىرىپ جىبەرەدى»، - دەدى ريزا بورانبايەۆا.

دارىگەردىڭ اتاپ وتۋىنشە، جاڭا تۋعان نارەستەنىڭ يممۋنيتەتىن كوتەرۋ اناسىنا بايلانىستى. دەنى ساۋ بالا ومىرگە كەلۋى ءۇشىن اناسىنىڭ دەنساۋلىعى جاقسى بولۋى كەرەك.

«نەگىزىنەن، بارلىعى اناسىنا بايلانىستى. ارينە، جۇكتىلىك كەزىندە ايەلدىڭ كوروناۆيرۋس ينفەكسياسىمەن اۋىرعانى كوڭىل كونشىتپەيدى. ەڭ باستىسى - اقۋىزعا، دارۋمەندەرگە باي ۇيلەستىرىلگەن تاعامدار بولۋى كەرەك، سونداي- اق مەديتسينالىق باقىلاۋ ۋاقتىلى جاسالعان ءجون. بۇل تۇرعىدا بالانىڭ دەنساۋلىعىنا قاتىستى جاعداي تۇراقتى باقىلاۋدا بولادى»، - دەدى مەديتسينا عىلىمدارىنىڭ دوكتورى.

اۆتور: رۋسلان عابباسوۆ


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات