كوماروۆسكي كوروناۆيرۋستان ەمدەيتىن عاجايىپ ءادىس تۋرالى ايتتى
«ءدارىنىڭ قالاي اسەر ەتەتىنىن انىقتاۋ ءۇشىن حاتتاما بويىنشا زەرتتەۋ جۇمىستارىن جۇرگىزۋ كەرەك. الەم مەديتسينا عىلىمىندا ەشقانداي تاجىريبەسى جوق دەرتپەن بەتپە- بەت كەلدى. سوڭعى جارتى جىل ىشىندە كوروناۆيرۋستى ەمدەۋگە قاتىستى كوزقاراسىمىزدى سان مارتە وزگەرتتىك»، - دەيدى ەۆگەنيي كوماروۆسكي.
ونىڭ ايتۋىنشا، ءار ادام ءوزىنىڭ جانە بالاسىنىڭ پروفيلاكتيكاسىن ويلاي كەلە قانداي جاعدايدا، قانداي ۆيرۋس جۇقتىرعان كەزدە قاتتى اۋىراتىنىن ءتۇسىنۋى كەرەك.
«تىنىس العان كەزدە تىنىس الۋ جولىنا بەلگىلى ءبىر مولشەردە ۆيرۋس جينالىپ قالۋى مۇمكىن. ۆيرۋس سانى قانشالىقتى كوپ بولسا، ودان وڭالۋ سونشالىقتى قيىن بولادى. ءار ادام قانداي جەردە ۆيرۋس كوپ جينالاتىنىن ءبىلۋى كەرەك. ول ادام اۋىرىپ جاتقان جانە اۋا تار جەر بولۋى مۇمكىن. وسىندايدى تۇسىنگەن جاعدايدا كوپ سۇراقتىڭ جاۋابى تابىلادى. ەگەر ورمان، ساياباق، كوشە بويىندا كەلە جاتساڭىز - كەڭ اۋادا ۆيرۋس جويىلىپ كەتەدى. اۋىرعان ادام سىزگە جاقىن جەردە تۇرىپ تىنىس السا - اۋىرىپ قالۋىڭىز مۇمكىن. ەگەر بولمە ءىشى جەلدەتىلمەسە - تىپتەن قاۋىپتى»، - دەيدى ول. سونداي- اق، ول كوروناۆيرۋسقا قارسى ەڭ ءتيىمدى ءدارى - بولمەنى جەلدەتۋ ەكەنىن ايتتى.
«ادامدار وزدەرى قورقاتىن نارسەگە دەگەن كوزقاراسىن وزگەرتۋى كەرەك. بولمەنى ءجيى جەلدەتىپ وتىرۋ كەرەك. ەڭ عاجايىپ ءدارى - جەلدەتۋ. ادامدار اراسىنداعى قاشىقتىقتى ۇلعايتىپ، اۋا الماسۋدى قامتاماسىز ەتۋ كەرەك. ماسكا تاعۋعا قاراعاندا وسى ءادىس تيىمدىرەك. ۇيدە قامالىپ وتىراسىز نەمەسە بولمەنى جەلدەتىپ وتىراسىز. قازاقستاندىقتار وسىنى ءتۇسىنۋى كەرەك»، - دەيدى دارىگەر.
اۆتور: زارينا قاھارمان