13:57, 06 - تامىز 2020 | GMT +6
قازاقستاندىق سپورتشى ىستىقكولدى ءجۇزىپ كەسىپ ءوتتى
نۇر- سۇلتان. قازاقپارات - توكيو-2020 وليمپيادا ويىندارىنىڭ اشىق سۋدا جۇزۋدەن ليسەنزياسىنىڭ يەگەرى قازاقستاندىق جۇزگىش ۆيتالي حۋدياكوۆ ەڭ ءبىرىنشى بولىپ ىستىقكولدى ءجۇزىپ ءوتتى.
بۇل جاڭالىقپەن سپورتشى Facebook-تەگى پاراقشاسىندا ءبولىستى، دەپ حابارلايدى قازاقپارات ءتىلشىسى.
«ۆيتاليي حۋدياكوۆ ىستىقكولدى شولپان- اتادان قاجى- ساي جاعاجايىنا دەيىنگى ارالىقتا ءجۇزىپ ءوتتى. 56 شاقىرىمعا سوزىلعان باعداردى ءجۇزىپ وتۋگە 13 ساعاتتان استام ۋاقىت كەتتى. بۇعان دەيىن ەشكىم بۇلاي ءجۇزىپ وتپەگەن بولاتىن. سپورتشى 5 - تامىز كۇنى تاڭعى ساعات 5-15-تە ءجۇزۋدى باستاپ، 18-30-دا ءجۇزىپ وتكەن ەدى»، - دەلىنگەن سپورتشىنىڭ پاراشاسىنداعى جازبادا.
ۆيتاليي حۋدياكوۆ - اشىق سۋدا جۇزۋدەن ازيانىڭ ءتورت دۇركىن چەمپيونى، جاعاجايداعى ازيا ويىندارىنىڭ ءۇش دۇركىن چەمپيونى، الەم چەمپيوناتتارىندا ۇزدىكتەر «وندىعىنان» ورىن العان. ۆيتاليدىڭ جاتتىقتىرۋشىلارى - ەۆگەني حۋدياكوۆ پەن بەكەن تاسبايەۆ.
اۆتور: مارلان جيەمباي