+7 (701) 759 90 19
5 °С : نۇر-سۇلتان
7 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

شىمكەنتتە ازياداعى ەڭ ءىرى امبەباپ اتۋ كەشەنى سالىنىپ جاتىر

6 تامىز 13:26
:ءبولىسۋ
شىمكەنتتە ازياداعى ەڭ ءىرى امبەباپ اتۋ كەشەنى سالىنىپ جاتىر

شىمكەنت. قازاقپارات - شىمكەنت قالاسىندا «SHOOTING PLAZA» امبەباپ اتۋ كەشەنىنىڭ قۇرىلىسى بويىنشا اۋقىمدى جوبا جۇزەگە اسىرىلۋدا. بۇل جونىندە قالالىق دەنە شىنىقتىرۋ جانە سپورت باسقارماسى مالىمەت تاراتتى، دەپ حابارلايدى قازاقپارات ءتىلشىسى.

باسقارمانىڭ حابارلاۋىنشا، اتالعان كەشەننىڭ قۇرىلىسى اياقتالعاننان كەيىن شىمكەنتتە اتۋ سپورتى تۇرلەرىنەن حالىقارالىق دەڭگەيدەگى سپورتتىق جارىستار وتكىزۋگە بولادى.

«SHOOTING PLAZA» كەشەنى بۇرىنعى كومسومول كولى اۋدانىنداعى «باتىس ەۋروپا - باتىس قىتاي» حالىقارالىق اۆتوجولىنا جاقىن جەردە اتۋ الاڭى اۋماعىندا ورنالاسقان. جالپى اۋدانى 14 گەكتاردى قۇرايدى. نىسان وسى جىلدىڭ قازان ايىندا پايدالانۋعا بەرىلەدى دەپ جوسپارلانعان.


«SHOOTING PLAZA» - جوباسى تولىققاندى جاتتىعۋ كەزەڭىن ۇيىمداستىرۋ جانە اتۋ سپورتى تۇرلەرى بويىنشا الەم چەمپيوناتتارى سەكىلدى ءىرى سپورتتىق ءىس- شارالاردى وتكىزۋ ءۇشىن بارلىق قاجەتتى ينفراقۇرىلىممەن قامتاماسىز ەتىلەدى. سپورت كەشەنى ازيا ايماعىنداعى ەڭ ءىرى اتۋ كەشەنى بولادى دەپ جوسپارلانعان. جوبانىڭ قۇرىلىسى اتۋ سپورتىن ودان ءارى دامىتۋعا ىقپال ەتەدى.

«SHOOTING PLAZA» قۇرىلىسى - حالىقارالىق سپورتتىق اتۋ فەدەراتسياسى مەن ازيا اتۋ كونفەدەراتسياسىنىڭ ۇزاق مەرزىمدى ىنتىماقتاستىعىنىڭ ناتيجەسى سانالادى.

ايتا كەتەيىك، اتۋ سپورتىنىڭ جۇيرىكتەرى توكيوداعى جازعى وليمپيادا ويىندارىنا العاشقى ەكى ليسەنزيانى جەڭىپ العان بولاتىن. بۇگىنگى تاڭدا اتۋ سپورت تۇرىنەن قازاقستان ۇلتتىق قۇراما كومانداسىنىڭ نەگىزگى قۇرامىنىڭ % 60 - ىن شىمكەنتتىكتەر قۇرايدى.

اۆتور: اينۇر اقبايەۆا


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات