12:57, 06 - تامىز 2020 | GMT +6
كوروناۆيرۋس: تۇركيا دەمالىس ورىندارىنا قاتىستى مالىمدەمە جاسادى
نۇر-سۇلتان. قازاقپارات - تۇركيانىڭ دەنساۋلىق ساقتاۋ مينيسترلىگى ەلدىڭ كۋرورتتى اۋماعىندا كوروناۆيرۋس جۇقتىرۋ دەرەگى تىركەلمەگەنىن مالىمدەدى، - دەپ حابارلايدى ر ي ا نوۆوستي.
«كۋرورتتى اۋماقتا ىندەت ورشىگەن جوق. ونداي ماسەلە دە جوق. ءبىز انكارا، ىستامبۇل، كونە، ديارباكىر، گازيانتەپ سىندى ءىرى قالالاردا اۋرۋ جۇقتىرعاندار سانى وسكەنىن كورىپ وتىرمىز»، - دەيدى مينيسترلىك وكىلى.
ول انتاليا پروۆينتسياسىنداعى كوروناۆيرۋس ستاتيستيكاسىنا توقتالدى. وندا سوڭعى اپتادا COVID-19 جۇقتىرۋ دەرەگى 70 تەن 59 عا ازايعان. انتاليا جەرورتا تەڭىزى اۋماعىندا ورنالاسقان.
وسىعان دەيىن رەسەيلىك ب ا ق تۇركيادا كوروناۆيرۋس ىندەتى ءورشىپ تۇرعانىن حابارلاعان ەدى.
ايتا كەتەيىك، دۇنيەجۇزىلىك دەنساۋلىق ساقتاۋى ۇيىمى الەمدە 18 ميلليوننان اسا ادام COVID-19 جۇقتىرعانىن، 691 مىڭنان اسا ادام اۋرۋدان كوز جۇمعانىن حابارلايدى.