بەلگىلى جۋرناليست، جازۋشى بيسۇلتان امانعاليەۆ ومىردەن وزدى
ارداگەر، بەلگىلى جۋرناليست، جازۋشى بيسۇلتان امانعاليەۆ قازتاگ اۋدارما كەڭسەسىندە 1954-جىلدان 1990-جىلعا دەيىن جۇمىس ىستەدى. ول ك س ر و جۋرناليستەر وداعىنىڭ مۇشەسى.
قازتاگقا دەيىن بيسۇلتان امانعاليەۆ «قازاقستان پيونەرى» جانە «سوتسياليستىك قازاقستان» گازەتتەرىندە قالامىن ۇشتادى.
ەڭبەك جولىن اۋدارماشى بولۋدان باستاعان ول، اۋدارما ءبولىمىنىڭ رەداكتورى، باس رەداكتوردىڭ ورىنباسارى، رەسپۋبليكالىق، بۇكىلوداقتىق جانە شەتەلدىك اقپارات رەداكتسياسىن باسقاردى.
ول قازتاگتىڭ مايتالمان مامانى، ەلىمىزدەگى بىلىكتى اۋدارماشى رەتىندە ارنايى الدىرىلىپ، ك س ر و جوعارعى كەڭەسى سەسسيالارىندا ستەنوگرافيالىق ىلەسپە اۋدارما جاساۋ ءۇشىن بىرنەشە رەت ماسكەۋدە دە بولعان.
اسىرەسە، 1969-جىلى ماسكەۋدەگى كرەملدىڭ سەزدەر سارايىندا 3 - بۇكىلوداقتىق كولحوزشىلار سەزىندە تىكەلەي ىلەسپە اۋدارما جاساعان.
بيسۇلتان امانعاليەۆ ۋكراينا، پولشا، چەحوسلوۆاكيا، ۆەنگريانى ازات ەتۋگە قاتىستى. اسكەردىڭ بارلىق ءۇش سالاسىندا قىزمەت ەتتى. ول قازاقستانعا 1945-جىلدىڭ قاراشاسىندا عانا ورالدى.
بيسۇلتان امانعاليەۆ سوعىس جانە بەيبىت ۋاقىتتاعى «قۇرمەت» وردەنىمەن، حالىقتار دوستىعى، قىزىل جۇلدىز، جەڭىس وردەندەرىمەن ماراپاتتالعان.
ارداگەر قالامگەر 1925-جىلى 24 - جەلتوقساندا قازىرگى باتىس قازاقستان وبلىسى، كازتالوۆ اۋدانىندا دۇنيەگە كەلگەن بولاتىن.
«قازاقپارات» ۇجىمى بيسۇلتان امانعاليەۆتىڭ تۋعان-تۋىستارىنا كوڭىل ايتادى. بۇعان دەيىن، قازاقپارات اراداگەرى بيسۇلتان امانعاليەۆتىڭ ءومىرى تۋرالى جازعان بولاتىنبىز.