الماتى اۆتوبۋستارىنداعى «اقىلدى» كامەرالار كارانتين رەجيمىن بۇزۋشىلاردى انىقتادى

الماتى. قازاقپارات - الماتىدا العاشقى ءۇش كۇندە قوعامدىق كولىكتەردە ورنالاستىرىلعان «اقىلدى» كامەرالاردىڭ كومەگىمەن ماسكا رەجيمى مەن الەۋمەتتىك ارا قاشىقتىقتى بۇزعاندار انىقتالدى، دەپ حابارلايدى قازاقپارات ءتىلشىسى.

«قوعامدىق كولىكتە سانيتارلىق-ەپيدەميولوگيالىق ەرەجەلەردىڭ ساقتالۋىن باقىلايتىن پيلوتتىق جوبا «اقىلدى» كامەرالاردىڭ كومەگىمەن العاشقى ءۇش كۇندە-اق اۆتوبۋستارداعى الەۋمەتتىك ارا قاشىقتىقتىڭ ساقتالماعانى انىقتالدى. 52 ادام بەتپەردەسىز بولسا، 89 ادام ونى دۇرىس كيمەگەن. تەستىلەۋ جالعاسادى»، - دەپ جازدى Instagram-داعى پاراقشاسىندا باقىتجان ساعىنتايەۆ.

پيلوتتىق جوبانىڭ جۇمىسى تۋرالى كەشە باقىتجان ساعىنتايەۆ الماتى ارناسىنداعى «Akimat LivE « تىكەلەي ەفيرىندە ايتقان بولاتىن.