ءبىر تۇنگە بولا ءزاۋلىم سارايدى ساتىپ الا الاتىن شەيح قالاي ءومىر سۇرەدى
ءبىر تۇنگە بولا ءزاۋلىم ءۇيدى ساتىپ الۋعا دايىن كورول وزىندە بار سارايلاردىڭ باسىم بولىگىندە ءتىپتى بولىپ كورمەگەن دەپ حابارلايدى KAZ. NUR. KZ bigpicture.ru-كە سىلتەمە جاساپ.
شەيح ءسان-سالتاناتتىڭ اراسىندا ءومىر سۇرەدى. ونىڭ رەزيدەنتسياسىنىڭ اۋلالارىنداعى باسسەيندەر مەن سۋبۇرقاقتار Evian مينەرالدى سۋلارىمەن تولتىرىلادى. ال ناحاياننىڭ ۇيلەرى الەمنىڭ تۇكپىر- تۇكپىرىندە ورنالاسقان جانە شەيحتىڭ ءوزى ولاردىڭ ءبارىن ەسىندە ساقتامايدى.
دۇنيە جۇزىندەگى جۇزدەگەن ءۇي، پاتەر مەن ساراي ءتۇرلى ماقساتتاردا ساتىپ الىندى. ولاردىڭ كەيبىرەۋلەرى شەيحتىڭ كوڭىلىنەن شىقسا، كەيبىرى قارجىنى ينۆەستيتسيالاۋ ءۇشىن الىندى. شەيح، ءتىپتى، ءبىر ءتۇن تۇنەۋ ءۇشىن دە ۇيلەر ساتىپ الا بەرگەن.
ايتا كەتۋ كەرەك، ب ا ءا- ءنىڭ كورولى قوناقۇيلەردى ۇناتپايدى جانە ءبىر تۇنگە بولا ۇلكەن جانە ءساندى ساراي ساتىپ الۋى مۇمكىن. مونارح ءوز رەزيدەنتسيالارىنىڭ كەيبىرىندە ەشقاشان بولعان ەمەس.
ماسەلەن، ول يسپانيادا مادريدتىڭ جانىنداعى ءساندى ۆيللاسىنا ءالى بارىپ كورمەگەن. ساراي استانادان 60 شاقىرىم جەردە ورنالاسقان جانە 17 جىل بۇرىن ساتىپ الىنعان. سودان بەرى بۇل جەردى 15 ادام قاراۋىلداپ، تۇراقتى تۇردە جالاقى الىپ وتىردى. شەيحتىڭ ءوزى دە، ونىڭ وتباسى مۇشەلەرى دە وسى جىلدار ىشىندە يسپانيالىق ۆيللادا بولماعان.
الايدا ونىڭ ىشىنە كىرىپ كورگەن جۋرناليستەر ۇيدەگى تەحنيكانىڭ باسىم بولىگى جاڭا كۇيدە تۇرعانىن ايتادى. ولار، ءتىپتى، ەشقاشان قولدانىلماعان. اپتا سايىن قىزمەتشىلەر 11 جاتىن بولمەدەگى توسەك-ورىن مەن ورامالداردى اۋىستىرىپ وتىرادى. ۆيللانى كۇتىپ-باپتاۋعا جىل سايىن 565 مىڭ دوللار قارجى كەتەدى دەگەن سىبىس تا بار.
ال ناحاياننىڭ مۇنداي ۇيلەرى وتە كوپ. ماسەلەن، لوندوندا ب ا ءا باسشىسىنىڭ جىلجىمايتىن 140 مۇلىگى بار كورىنەدى. ولاردىڭ بارلىعى ەليتالىق: Mayfair، Marylebone, Knightsbridge Kensington اۋداندارىندا ورنالاسقانى ايتىلادى.
حاليفا ءوزىنىڭ ميللياردتاعان اقشاسىنا تەك دەنساۋلىق ساتىپ الا المادى. 2014-جىلى مونارح ينسۋلتتى باسىنان كەشىپ، بۇگىندە حالىق اراسىنا كوپ شىقپايدى. ول ءوز وكىلەتىن مۇراگەر حانزادا مۋحامماد يبن زايد ال ناحايانعا تاپسىرعان.