ۇلتتىق قۇراما كاپيتانى كاسىپقوي بوكسقا اۋىستى

None
None
نۇر-سۇلتان. قازاقپارات - بوكستان قازاقستان ۇلتتىق قۇراماسى كاپيتانى قامشىبەك قوڭقابايەۆ كاسىپقوي بوكسقا اۋىستى.

28 جاستاعى سپورتشى الدىنا زور ماقسات قويىپ وتىر.

بوكسشىنىڭ كەلىسىمشارتقا قول قويعانى جايلى MTK Kazakhstan مەنەدجەرلىك كومپانياسى بۇگىن حابارلادى. قامشىبەك اۋەسقوي بوكستان دا الىس كەتپەيدى. سەبەبى كەلەر جىلعا شەگەرىلگەن وليمپيادا ويىندارىندا 91 كيلودان جوعارى سالماقتا باق سىنايتىن بولادى.

- مەن MTK Global-مەن كەلىسىمشارتقا قول قويعانىما وتە قۋانىشتىمىن. مانسابىمدا قول جەتكىزگەن جەتىستىكتەرىمە كوڭىلىم تولادى. م ت ك جانە اسقار ساليكبايەۆپەن (MTK Kazakhstan باسشىسى) بىرگە جاڭا جەتىستىك شىڭىن باعىندىرارىما سەنىمدىمىن.

العا ۇلكەن ماقسات قويىپ وتىرمىن. قازاقستاندى زور ماقتانىشپەن الەمگە تانىتىپ، ءوزىمنىڭ مىقتىلىعىمدى تانىتقىم كەلەدى، - دەيدى بوكسشى MTK Global سايتىنا بەرگەن سۇحباتىندا.

قامشىبەك قوڭقابايەۆ قازاقستان چەمپيوناتىندا تالاي رەت توپ جارعان بوكسشى. الەم جانە ازيا چەمپيوناتىنىڭ فينالىندا باق سىناعان. ناۋرىز ايىندا يوردانيا ەلىنىڭ استاناسى امماندا وتكەن ليتسەنزيالىق تۋرنيردە توكيو وليمپياداسى جولداماسىن جەڭىپ العان. كەلەر جىلى وليمپيادا ويىندارىندا العاش رەت قاتىسۋى مۇمكىن.

MTK Kazakhstan مەنەدجەرلىك كومپانياسىنىڭ فيليالى ەلىمىزدە 2019-جىلدىڭ ناۋرىز ايىندا اشىلعان. MTK Global-دىڭ ۇزدىكتەرى قاتارىندا ۇلى بريتانيالىق الەم چەمپيونى تايسون فيۋري مەن ەكىنشى ورتا سالماقتا WBO بەلبەۋى يەگەرى بيللي دجو سوندەرس بار.

قازاقستانداعى فيليالى قۇرامىندا ەلىمىزدىڭ بوكسشىلارى دا از ەمەس. جانقوش تۇراروۆ، ۆيكتور كوتوچيگوۆ، الي بالويەۆ بار. اقپان ايىندا ازيا چەمپيونى تۇرسىنبەك قۇلاحمەت كەلىسىمگە قول قويعان. ءبىراق ونىڭ العاشقى جەكپە-جەگى پاندەمياعا بايلانىستى وتپەي قالعان-دى. 1- ماۋسىم كۇنى كومپانيا قازاقستاندىق بوكسشى تالعات شايكەنمەن دە كەلىسىمشارتقا قول قويعانىن حابارلاعان.

بۇگىن بۇل قاتاردى قامشىبەك قوڭقابايەۆ تولىقتىردى.

massaget.kz

سوڭعى جاڭالىقتار