قوعامدىق كولىكتە ماسكا تاعۋ رەجيمىن كامەرا باقىلايتىن بولادى

الماتى. قازاقپارات - الماتى اۆتوبۋستارىندا ماسكا رەجيمىن ساقتاۋدى كامەرا باقىلايدى. وسىنداي پيلوتتىق جوبا ىسكە قوسىلدى، دەپ حابارلايدى قازاقپارات ءتىلشىسى.

«پيلوتتىق جوبانى جۇزەگە اسىرۋدى قولعا الدىق. اۆتوبۋستاردا ماسكا رەجيمىن قاداعالايتىن كامەرالاردى ىسكە قوستىق. قۇرىلعى ادامداردىڭ ماسكا تاققان، تاقپاعانىن تۇسىرەدى. سودان كەيىن بۇل دەرەكتەر احۋالدىق ورتالىققا، ديسپەتچەرلىك پۋلتكە تۇسەدى. سول جەردەن اۆتوبۋس جۇرگىزۋشىسىنە حابارلاما كەلەدى. جۇرگىزۋشى اۆتوبۋستى توقتاتىپ سالونداعى جولاۋشىعا ماسكا تاعۋىن نەمەسە اۆتوبۋستان ءتۇسۋىن تالاپ ەتە الادى»، - دەيدى قالا اكىمى باقىتجان ساعىنتايەۆ.

قالا اكىمى باسشىسى تۇرعىنداردى ماسكا تاعىپ جۇرۋگە شاقىردى.