+7 (701) 759 90 19
0 °С : نۇر-سۇلتان
3 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

سولتۇستىك قازاقستاندا ەگىن وراعى باستالدى

6 تامىز 07:52
:ءبولىسۋ
سولتۇستىك قازاقستاندا ەگىن وراعى باستالدى

پەتروپاۆل. قازاقپارات - سولتۇستىك قازاقستان وبلىسىندا استىق ورۋ ناۋقانى باستالىپ، بۇل جايىندا ءوڭىر باسشىسى قۇمار اقساقالوۆ الەۋمەتتىك پاراقشاسىندا جاريالادى، دەپ حابارلايدى قازاقپارات ءتىلشىسى.

استىقتى وڭىردە بيىل كۇزگى وراق ادەتتەگىدەن ەرتە باستالىپ وتىر. كوكتەمنەن باستالعان قاربالاستىڭ ناتيجەسى - بىتىك شىققان ەگىن. ديقاندارعا ەندى وسى بايلىقتى ءبىر ءدانىن شاشاۋ شىعارماي جيناپ الۋ مىندەتى تۇر.

«استىقتى ۋاقتىلى جيناپ الۋ ءۇشىن ديقاندار جاڭا تەحنولوگيالاردى قولدانىپ، تەحنيكانى جاڭارتۋدا. سوڭعى 3 جىلدا ينۆەستيتسيا كولەمى 72 ميلليارد تەڭگەدەن 107 ميلليارد تەڭگەگە دەيىن ءوستى. بيىل بۇل سالاعا 55 ميلليارد تەڭگە تارتىلدى»، - دەپ جازدى قۇمار اقساقالوۆ facebook-تەگى پاراقشاسىندا.

ءوڭىر باسشىسىنىڭ ايتۋىنشا، اۋىل شارۋاشىلىعىن دامىتۋعا قوماقتى ينۆەستيتسيا تارتۋمەن قاتار، مەملەكەت سوڭعى 3 جىلدا اگرارلىق سالاعا 116 ميلليارد تەڭگە باعىتتادى. تەك بيىلدىڭ وزىندە ءوڭىر ديقاندارىنا 48 ميلليارد تەڭگەگە كومەك كورسەتىلدى. وسىنداي قولداۋدىڭ ارقاسىندا ديقاندار اۋا-رايىنىڭ قولايسىزدىعىنا قاراماستان جاقسى ءونىم الا الادى.

س ق و اۋىل شارۋاشىلىعى جانە جەر قاتىناستارى باسقارماسىنىڭ مالىمەتىنشە، بيىل 4,2 ميلليون گەكتار القاپقا ءداندى داقىل سەبىلسە، سونىڭ 2,8 ميلليون گەكتارى ءبيداي. ەگىس القاپتارىن ءارتاراپتاندىرۋ ماقساتىندا كوكتەمدە 932 مىڭ گا نەمەسە بارلىق ەگىستىكتىڭ %22 مايلى داقىل سەبىلدى. سونداي-اق 353 گەكتار جەمشوپتىك داقىل، 34 مىڭ گەكتار كارتوپ جانە 6 مىڭ گەكتار كوكونىس ەگىلدى. بۇدان بۇرىن س ق و ديقاندارى ءونىم ساپاسىن ارتتىرۋ ءۇشىن وزدەرى سۇيىق تىڭايتقىش شىعاراتىن شاعىن زاۋىتتاردى اشىپ جاتقانىن ايتقان ەدىك. سونداي-اق بيىلعى ەگىن وراعىنا 5 مىڭعا جۋىق سۋ جاڭا زاماناۋي تەحنيكا شىقپاق.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات