گرۋزيادا ءىز- ءتۇسسىز جوعالىپ كەتكەن قازاقستاندىق بالا ىزدەستىرىلىپ جاتىر
يليا پيلپاني قىسقى دەمالىسىندا گرۋزيادا تۇرىپ جاتقان اكەسىنە قوناققا بارعان. الايدا كارانتين بولعاندىقتان ەلگە قايتا المايدى. ءسويتىپ، 18-شىلدەدە ۆەلوسيپەدپەن سەرۋەندەۋگە كەتىپ، قايتىپ ورالماعان. قۇتقارۋشىلار ماڭايداعى 8 اۋىل مەن سۆانەتياداعى قاراۋسىز تۇرعان بارلىق عيماراتتى ءسۇزىپ شىققان. جەتى وزەننىڭ ارنالارى مەن تاۋ شاتقالدارى، جايىلىمدار مەن ورمانداردى قاراعان. ءبىراق بالا ءالى تابىلعان جوق.
تەيمۋراز مگەبريشۆيلي، گرۋزيا توتەنشە جاعدايلار قىزمەتىنىڭ باسشىسى:
- ىزدەستىرۋ جۇمىستارىنا 80 قۇتقارۋشى، پوليتسيا بولىمدەرى، پيلوتسىز ۇشاقتار، سۋ كولىكتەرى مەن شەكارالىق پوليتسيانىڭ تىكۇشاعى جۇمىلدىرىلدى. قوعامدىق قاۋىپسىزدىك ورتالىعى بارلىق تەلەفون نومىرلەرى مەن حابارلاسۋ تەتىكتەرىنە يليا ءپيلپانيدىڭ فوتوسۋرەتى مەن ءۇش تىلدە قىسقا اقپارات جىبەردى. ازاماتتارىمىزدى بۇل بالا جونىندە قاندا دا ءبىر دەرەك بىلسە، 112 نومىرىنە حابارلاسۋىن سۇرايمىز.