+7 (701) 759 90 19
8 °С : نۇر-سۇلتان
17 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

پيراميدالاردى وزگەعالامشارلىقتار سالعان - يلون ماسك

5 تامىز 22:04
:ءبولىسۋ
پيراميدالاردى وزگەعالامشارلىقتار سالعان - يلون ماسك

نۇر-سۇلتان. قازاقپارات - Space X نەگىزىن قالاۋشى يلون ماسك مىسىرداعى پيراميدالاردى وزگە عالامشارلىقتار سالعان دەپ جازدى. بۇعان جاۋاپ رەتىندە مىسىردىڭ سىرتقى ىستەر ءمينيسترى ماسكتى پيراميدالارعا كورۋگە شاقىردى.

«پيراميدالاردى شەتەلدىكتەر سالعان»، - دەپ جازدى ماسك twitter پاراقشاسىندا. كەيىن ول تاقىرىپ بويىنشا تاعى ەكى حابارلاما قالدىرىپ، 3800 جىل بۇرىن سالىنعان پيراميدالاردى ادامزات تاريحىنداعى ەڭ ۇزاق قۇرىلعان عيمارات دەپ ايتتى.

بۇعان جاۋاپ رەتىندە مىسىردىڭ سىرتقى ىستەر ءمينيسترى رانيا ال- ماشات ماسكتى مىسىرعا شاقىردى.

«ماسك مىرزا، مەن ءسىزدىڭ جۇمىسىڭىزدى قىزىعىپ باقىلايمىن. ءسىزدى جانە Space X كومانداسىن مىسىرعا شاقىرامىن. پيراميدالاردىڭ قالاي سالىنعانىن جانە ولاردى سالعانداردىڭ قابىرلەرىن كورىڭىزدەر. ءبىز سىزدەردى كۇتەمىز»، - دەپ جازدى ەگيپەتتىڭ سىرتقى ىستەر ءمينيسترى twitter پاراقشاسىندا.

ماسكتىڭ جازباسى وقىرماندار اراسىندا قىزۋ پىكىرتالاس تۋدىردى. پايدالانۋشىلاردىڭ كوپشىلىگى پيراميدالار تۋرالى قىزىقتى اقپارات جانە سۋرەتتەرمەن جاۋاپ بەردى. ارحەولوگيا پروفەسسورى سارا پارچاك ماسكتى «مىسىرلىق عالىم» دەپ اتادى. ول Space X- ءتىڭ نەگىزىن قالاۋشىعا پيراميدالاردىڭ قۇرىلىسى تۋرالى اقپاراتى بار پاپيرۋستار بار ەكەنىن جانە قاجەت بولسا ونى كورسەتە الاتىنىن جازدى.

سونىمەن قاتار، پيراميدا قۇرىلىسشىلارىنىڭ قابىرىن قازۋعا قاتىسقان مىسىرلىق ارحەولوگتار ماسكتىڭ مالىمدەمەسىنە جاۋاپ بەردى.

«پيراميدالار تۋرالى ايتقاندارىڭىز تولىعىمەن ويدان شىعارىلعان، ولاردى مىسىرلىقتار سالعان»، - دەيدى ارحەولوگ زاحي حاۆاس.

وسىناۋ زور تاس قۇرىلىستار ەجەلگى ەگيپەت پەرعاۋىندارىنىڭ ساعاناسى بولىپ سانالادى. ساعانالار وسىدان 5 مىڭ جىل بۇرىن سالىنعان.

ەڭ ۇلكەن پيراميدا حەوپس پەرعاۋىننىڭ امىرىمەن تۇرعىزىلعان. ونىڭ بيىكتىگى - 147 مەتر. ەجەلگى گرەك تاريحشىسى گەرودوتتىڭ جازباسىندا پيراميدانى 100 مىڭ ادام 20 -جىل بويى سالعاندىعى ايتىلادى.

الايدا قوعام اراسىندا ونى ەجەلگى ادامدار تۇرعىزۋى مۇمكىن ەمەستىگى، مۇنداي تەحنولوگيا تەك وزگە عالامشارلىقتار دا بولعان دەگەن پىكىر داۋ تۋدىرىپ كەلەدى.

massaget.kz


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات