اقمولا وبلىسىندا جاعاجايلار اشىلا باستادى
دەمالىس ورىندارى بۇل ءۇشىن ارنايى تەكسەرىستەن وتەدى. ەڭ ءبىرىنشى تالاپ، جاعاجايدا اراقاشىقتىقتى قاتاڭ ساقتاۋ. ءار ادامعا بەرىلەتىن اۋماق 4 شارشى مەتردەن كەم بولماۋى كەرەك. قازىر جاعاجايدى وسىنداي تالاپقا ساي جابدىقتاعان بۋرابايدا 10، زەرەندىدە 12 نىسان جۇمىس ىستەۋگە رۇقسات الدى. ولار بۇدان كەيىن دە باقىلاۋدا بولادى. بىردەن ەسكەرتەيىك، مۇنداي مۇمكىندىك تۋريستىك بازا جانىنداعى شاعىن جاعاجايلارعا عانا بەرىلدى. ال كوپشىلىك سۋعا تۇسەتىن ورىندار ءالى جابىق. كۋرورتتى ايماقتارعا جولداماسى بار دەمالۋشىلار عانا كىرە الادى. ياعني، بلوكبەكەتتەر ءالى جۇمىس ىستەپ تۇر.
سەرىك ومارحانوۆ، وبلىستىڭ باس سانيتار دارىگەرىنىڭ ورىنباسارى:
- جاعاجاي يەلەرى وندا كەلەتىن ءاربىر ادامنىڭ جانە قىزمەتكەرلەردىڭ دەنە قىزۋىن ولشەپ، اۋماقتى كۇن سايىن دەزينفەكتسيالاپ وتىرۋى ءتيىس. ادامنىڭ قولى تيەتىن جەرلەردىڭ بارلىعى زالالسىزداندىرىلۋى قاجەت. اسىرەسە، الەۋمەتتىك اراقاشىقتىققا وتە قاتتى ءمان بەرىلۋى كەرەك.