+7 (701) 759 90 19
7 °С : نۇر-سۇلتان
16 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

قازاقستان اتاۋى اياق استىندا جازىلعانىن قالامايمىن - ديماش برازيليالىق جانكۇيەرلەرگە ءوتىنىشىن جولدادى

5 تامىز 19:55
:ءبولىسۋ
قازاقستان اتاۋى اياق استىندا جازىلعانىن قالامايمىن - ديماش برازيليالىق جانكۇيەرلەرگە ءوتىنىشىن جولدادى

نۇر- سۇلتان. قازاقپارات - ءانشى ديماش قۇدايبەرگەن برازيليالىق جانكۇيەرلەرگە ءوتىنىشىن جولداپ، «قازاقستان» اتاۋىنىڭ اياق استىندا جازىلعانىن قالامايتىنىن جەتكىزدى، دەپ حابارلايدى قازاقپارات ءتىلشىسى.

«ەڭ الدىمەن، مەنىڭ اندەرىمدى كۇننەن- كۇنگە ءسۇيىپ تىڭداپ، ونەرىمە دەگەن ماحابباتتارى ارتىپ كەلە جاتقان برازيليالىق، جالپى لاتىن امەريكالىق تىڭدارماندارىما ۇلكەن العىسىمدى بىلدىرگىم كەلىپ تۇر. سىزدەردىڭ بۇل توسىن سىيلارىڭىزدى دا سول سۇيىسپەنشىلىكتىڭ بەلگىسى دەپ بىلەمىن»، - دەپ جازدى ءانشى Instagram پاراقشاسىندا باسپالداققا جازىلعان «قازاقستان» اتاۋىنىڭ سۋرەتىن جاريالاپ. ءانشى الايدا تۋعان جەرىنىڭ، جۇرەگىنىڭ تورىنەن ورىن العان اسىل ولكە - قازاقستانىمنىڭ اتاۋى اياق استىندا جازىلعانىن قالامايتىنىن جەتكىزدى.

«تۇسىنەمىن، بۇل سىيلىق ماعان دەگەن تاپ- تازا كوڭىلدەرىڭىزدەن تۋىنداپ جاتىر. ءبىراق، كەزىندە ۇلى ادام شەبەر سپورتشى مۇحاممەد ءاليدى دە وتە سىيلاپ، «جۇلدىزدار اللەياسىنان» ورىن بەرگەندە ول كىسى ءوز ەسىمىنىڭ جەردە، اياق باسار تۇستا تاپتالىپ جاتقانىن قالاماي، سول باقتىڭ قابىرعاسىنا، ياعني جوعارى جاققا جازۋلارىن سۇرايدى. سەبەبى پايعامباردىڭ ەسىمى اياق استىندا قالماۋ كەرەك. سول سياقتى مەنىڭ قازاق ەلىمنىڭ دە اتاۋى تەك جوعارىدا تۇرسا ەكەن دەگەن تىلەگىم بار ەكەنىن جەتكىزگىم كەلەدى، ءار ءبىر ەل تەك بيىكتەن كورىنۋگە لايىقتى (!)» - دەيدى ول.

وسىلايشا ديماش قۇدايبەرگەن برازيليالىق تىڭدارماندارىنا ءوتىنىشىن دۇرىس جاعىنان ءتۇسىنىپ، قابىل الار دەگەن ءۇمىت ءبىلدىردى. «اق نيەتتەرىڭىز ءۇشىن تاعى دا راحمەت»، - دەپ ءتۇيدى ءانشى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات