+7 (701) 759 90 19
8 °С : نۇر-سۇلتان
17 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

ەلورداداعى ەڭ كونە تەرەككە مارتەبە بەرىلەدى

5 تامىز 18:53
:ءبولىسۋ
ەلورداداعى ەڭ كونە تەرەككە مارتەبە بەرىلەدى

نۇر- سۇلتان. قازاقپارات - ەلورداداعى ەڭ كونە تەرەككە ەرەكشە مارتەبە بەرىلەدى. كوپەس كۋبريننىڭ كەزىندە وتىرعىزىلعان اعاش قالانىڭ قۇرىلۋى ساتىنەن بۇگىنگى كەيپىنە دەيىن كۋا.

ءوزى دە تۋريستەردىڭ قىزىعۋشىلىعىنا يە. ءبىراق بىرنەشە جىل دۋال ارتىندا قالعان الىپ اعاشتى كوپشىلىك نازارىنا شىعارۋ ەندى عانا مۇمكىن بولعان. بۇل تەرەكتىڭ وسى ايماقتا ءوسىپ تۇرعانىنا 120 جىلدان استى.

«عاسىر قۇرداسى تالاي تاريحتىڭ كۋاسى» دەيدى كوزكورگەندەر. بايىرعى ساياباقتا تۇراقتاپ قالعان جالعىز اعاشتى كوپشىلىك ءالى دە سايالايدى.

الەكساندر حوروشاۆين، قالا تۇرعىنى:


- بۇل جەردە ۇلكەن دۋال تۇراتىن. كونە تەرەكتى كوپ جىل بويى كورمەي قالدىق. دۋالدى الىپ تاستاعالى بالكوننان قاراپ، قۋانىپ ءجۇرمىز. قارت اعاشتى بۇرىننان بىلەمىز عوي. بۇل جەردە بۇرىن ەسكى جاعاجاي بولدى. دەمالۋعا كەلگەن ادامداردى سايالاتقان تەرەك بۇل.

تەمىرتاس ىسقاقوۆ ۇلكەن دۋالدى الىپ تاستاپ، تەرەكتىڭ تىنىسىن كەڭەيتۋگە مۇرىندىق بولدى. قالا بيلىگىنىڭ نازارىن ەڭ كونە اعاشقا اۋدارتۋ ءۇشىن قول دا جيناعان. ناتيجەسىز ەمەس. قورشاۋدىڭ ءبىر بولىگى الىندى. ءالى دە اتقارار شارۋا كوپ.

تەمىرتاس ىسقاقوۆ، قالا تۇرعىنى:

- قازىر ءبىز وزەندەگى فونتاندى باسقارۋ تەتىگىن باسقا جەرگە اۋىستىرتۋ بويىنشا جۇمىس ىستەپ جاتىرمىز. ويتكەنى تەرەكتىڭ اينالاسىن بوساتۋ قاجەت. ءۇش جىلداي قورشالىپ تۇرعان قارت اعاشتىڭ بۇلىنگەن اۋماعى بار. ونى رەتتەۋىمىز كەرەك. كونە تەرەكتىڭ جايى ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆكە دە ايان.

ول ءوزىنىڭ تۆيتتەردەگى پاراقشاسىندا اعاشتى كۇتىپ باپتاۋعا قاتىستى پىكىر جازعان. ەلوردالىق تۇرعىنداردىڭ 120 جىلدىق تاريحى بار تەرەكتى ساقتاپ قالۋعا قاتىستى باستامالارىن قولدايمىن. تاريحى بار بۇل تەرەكتى ساقتاپ قالۋ ءۇشىن بار كۇشىمىزدى سالۋىمىز قاجەت. اعاشتى كۇتىپ باپتاۋعا قاتىستى جاۋاپكەرشىلىكتى مينيسترلىك ءوز موينىنا الماق. الداعى ۋاقىتتا قارت اعاشقا ەرەكشە مارتەبە بەرىلۋى مۇمكىن. بۇل تۋرالى ۆەدومستۆو وكىلى حابارلادى.

سەرىك ايدابوسىن، ەكولوگيا، گەولوگيا جانە تابيعي رەسۋرستار مينيسترلىگىنىڭ باس ساراپشىسى:

- تەرەك اعاشى جاس قالامىزدا ەڭ ەسكى اعاشتاردىڭ ءبىرى بولىپ سانالۋىنا بايلانىستى ءبىز وعان ەرەكشە كوڭىل بولەمىز دەپ شەشىم قابىلدادىق. تەرەك اعاشى ەسىل وزەنىنىڭ بويىندا تۋريستەر كوپ جينالاتىن ورىندا ورنالاسقانىنا بايلانىستى ول جەرگە اقپاراتتىق تاقتا ورناتامىز. قازىر ەسىل اۋدانىنىڭ اكىمدىگى دە عاسىر قۇرداسىن ساقتاپ قالۋ بويىنشا ۇسىنىستار قابىلداپ جاتىر.

www.24.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات