13:15, 05 - تامىز 2020 | GMT +6
الماتىدا «سەرگەك» كامەرالارىمەن قوعامدىق كولىكتەردى باقىلاۋ كۇشەيتىلمەك
الماتى. قازاقپارات - جىل سوڭىنا دەيىن الماتىدا قوسىمشا 362 «سەرگەك» كامەراسى ورناتىلادى. بۇل تۋرالى الماتى قالاسى پوليتسيا دەپارتامەنتىنىڭ باسشىسى قانات تايمەردەنوۆ ءمالىم ەتتى، دەپ حابارلايدى قازاقپارات ءتىلشىسى.
ونىڭ ايتۋىنشا، قوسىمشا كامەرالار اسىرەسە قوعامدىق كولىكتەر جۇرەتىن جولاققا ورناتىلادى.
«قازىر قالاداعى قوعامدىق كولىكتەر جۇرەتىن بولىكتە ەرەجە بۇزعانداردى انىقتايتىن «جولاق» جۇيەسى ورناتىلعان. ونىڭ پايداسى زور. كولىك جۇرگىزۋشىلەردىڭ جول ەرەجەسىن قاتاڭ ساقتاۋى ءۇشىن قوسىمشا 362 «سەرگەك» كامەراسىن ورناتامىز، - دەيدى الماتى قالالىق پ د باسشىسى قانات تايمەردەنوۆ. سونىمەن قاتار، ول قوسىمشا كامەرالاردى ورناتۋ جۇمىسى قىركۇيەك ايىنان باستاپ قولعا الىناتىنىن جەتكىزدى.
اۆتور: الما مۇقانوۆا