بيىلعى وقۋ جىلى ستۋدەنتتەر ءۇشىن قالاي باستالادى

None
None
نۇر-سۇلتان. قازاقپارات - ەلىمىزدە كوللەدج جانە جوعارى وقۋ ورىندارىنىڭ ستۋدەنتتەرى ءۇشىن وقۋ جىلى نەگىزىنەن قاشىقتان وقىتۋ فورماتىندا باستالادى، دەپ حابارلايدى قازاقپارات ءتىلشىسى.

ق ر ءبىلىم جانە عىلىم مينيسترلىگىنىڭ Telegram پاراقشاسىندا جاريالانعان اقپاراتقا سايكەس، پەداگوگيكالىق، IT، الەۋمەتتىك، گۋمانيتارلىق باعىت ستۋدەنتتەرى قاشىقتان وقيدى. تەحنولوگيالىق، اگرارلىق باعىتتار، مەديتسينا جانە ونەر ماماندىقتارىنىڭ ستۋدەنتتەرى ءىشىنارا قاشىقتىقتان ءبىلىم الادى. ءدارىس جانە سەمينار ساباقتارى ونلاين وتسە، زەرتحانالىق ساباقتار جانە وندىرىستىك تاجىريبە ءداستۇرلى فورماتتا جۇرگىزىلەدى.

الىس اۋىلدىق جەرلەردە جانە شاعىن قالالاردا ورنالاسقان 102 كوللەدج شتاتتىق رەجيمدە جۇمىس ىستەيدى. ءبىر توپتاعى ستۋدەنت سانى 15 تەن اسپايتىن بولادى (بىرنەشە توپ قۇرىلادى).

جوعارى وقۋ ورىندارىندا ستۋدەنتتەر نەگىزىنەن قاشىقتان وقىتۋ فورماتىندا ءبىلىم الادى. پەداگوگيكالىق عىلىمدار، IT، الەۋمەتتىك جانە گۋمانيتارلىق باعىتتار قاشىقتان وقيدى. تابيعي، تەحنيكالىق جانە اگرارلىق باعىتتار، مەديتسينا جانە ونەر ماماندىقتارى بويىنشا دارىستەر مەن سەمينارلار ونلاين، زەرتحانالىق جانە پراكتيكالىق ساباقتار شتاتتىق رەجيمدە وتكىزىلەدى. ال ماگيستراتۋرا مەن دوكتورانتۋرا ساباقتار ءىشىنارا قاشىقتىقتان وقىتىلادى. ينتەرناتۋرا مەن رەزيدەنتۋرادا وقۋ ءداستۇرلى فورماتا جۇرەتىن بولادى.


اۆتور: مارلان جيەمباي

سوڭعى جاڭالىقتار