21:43, 04 - تامىز 2020 | GMT +6
بەيرۋتتا جويقىن جارىلىس بولدى
بەيرۋت. قازاقپارات - ليۆان استاناسى بەيرۋت قالاسىندا جويقىن جارىلىس بولدى. قالاداعى كوپتەگەن عيماراتقا زاقىم كەلىپ، كوبىسىنىڭ تەرەزەسى قيراپ قالدى، دەپ حابارلايدى قازاقپارات BBC اگەنتتىگىنە سىلتەمە جاساپ.
بەيرۋتتاعى ءىرى Daily Star گازەتىنىڭ رەداكتسياسىنا جاقىن ماڭدا الاپات جارىلىس بولدى. تاياۋدا ەلدىڭ ەكس- پرەمەرى رافيك ءحاريريدىڭ ولىمىنە قاتىستى ىسكە سوت ۇكىمى شىعۋى ءتيىس ەدى. جەلىگە تارالعان ۆيدەودا ليۆان استاناسى اسپانىندا پايدا بولعان قويۋ ءتۇتىن جارىلىستىڭ سالدارى ەكەنىن كورسەتەدى. جارىلىس بەيرۋتتىڭ پورت ورنالاسقان جاعىندا بولعان.
جۇما كۇنى بۇۇ تريبۋنالى ءحاريريدىڭ ءولىم بويىنشا سىرتتاي ايىپتالعان ءتورت ادامعا ۇكىمدى جاريالاۋى ءتيىس بولاتىن. حاريري 2005 -جىلى بومبا قويىلعان كولىك جارىلىسى كەزىندە كوز جۇمعان.