+7 (701) 759 90 19
-24 °С : نۇر-سۇلتان
1 °С : الماتى
USD 418.41 EUR 507.95
RUB 5.69 CNY 64.76
جاڭالىقتار

بەزگەك - ەڭ كونە ىندەت

4 تامىز 20:02
:ءبولىسۋ

نۇر-سۇلتان. قازاقپارات - عىلىمدا «مالياريا» اتانىپ كەتكەن بەزگەك اۋرۋىمەن زاماناۋي مەديتسينا دا كۇرەسە الماي وتىر. جىل سايىن بەزگەكپەن 500 ميلليون ادام اۋىرادى. ونىڭ جارتىسىنا جۋىعى كوز جۇماتىن كورىنەدى.

بۇل ىندەتكە قارسى ەكپە جاسالعانىمەن، اۋرۋدىڭ الدىن الۋ قازىرگى مەديتسيناعا دا اۋىرلىق تۇسىرۋدە. بەزگەك وتە كونە داۋىردە پايدا بولعاندىقتان، ودان وڭاي ارىلا قويۋ ەكىتالاي. اۋرۋ ۆيرۋسى بۇدان ميلليونداعان جىل بۇرىن قالاي بولدى - ءالى كۇنگە دەيىن سونداي، وزگەرىسى جوق.

بەزگەك پلازمودياسىنا (اۋرۋ قوزدىرعىش پارازيت) جاسالعان گەنەتيكالىق زەرتتەۋ اۋرۋدىڭ جۇزدەگەن ميلليون جىل بۇرىن پايدا بولعانىن كورسەتكەن. عالىمداردىڭ ايتۋىنشا، شىبىن- شىركەي 200 ميلليون جىل بۇرىن پايدا بولعان، دەمەك ىندەتتىڭ كوزى دە سول كەزدە شىقسا كەرەك. پلازموديا سول ۋاقىتتا پارازيتكە، اۋرۋ قوزدىرۋشى، تاراتۋشى دەنەشىككە اينالدى.

مۇنى گەنەتيكتەر مەن بيولوگتار عانا ەمەس، ارحەولوگتار دا قۋاتتاپ وتىر. ماسەلەن، ا ق ش عالىمدارى ميانما تۇبىندە قازبا جۇمىستارىن جۇرگىزگەندە، كارىپتاسقا جابىسىپ قالعان ماسانىڭ دەنەسىن تاپقان. جاندىك جاقسى ساقتالىپ قالعان. زەرتتەي كەلە ماسانىڭ وسىدان 100 ميلليون جىل بۇرىن ءومىر سۇرگەنى بەلگىلى بولدى. ەڭ قىزىعى دا سول - جاندىكتىڭ اسقازانىنان بەزگەك پلازمودياسىنىڭ تابىلعانى.

بيولوگيالىق جانە ارحەولوگيالىق زەرتتەۋلەردەن بەزگەك اۋرۋىنىڭ ەڭ كونە ءارى ءالى كۇنگە دەيىن قۇرىلىسىن دا وزگەرتپەگەن، قاۋىپتىلىگىن دە جوعالتپاعان ىندەت ەكەنىن اڭعارامىز. شامامەن، بۇل - دينوزاۆرلار ءومىر سۇرگەن ءداۋىر. كەي عالىمداردىڭ ايتۋىنشا، دينوزاۆرلاردىڭ قىرىلىپ قالۋىنا عالامدىق كاتاكليزممەن بىرگە بەزگەكتىڭ تە زالالى تيگىزگەن.

massaget.kz



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات