+7 (701) 759 90 19
3 °С : نۇر-سۇلتان
6 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

كۇندىز العان جاراقات تۇندەگىگە قاراعاندا تەز جازىلادى

4 تامىز 21:02
:ءبولىسۋ
كۇندىز العان جاراقات تۇندەگىگە قاراعاندا تەز جازىلادى

نۇر-سۇلتان. قازاقپارات - ءبىر قاراعاندا، تۇندە جاراقات العان ادام مەن كۇندىز جاراقات العان ادامنىڭ جاراسىندا ايىرما جوق ءتارىزدى.

الايدا ءبارى ءبىز ويلاعانداي وڭاي ەمەس. كەمبريدج ۋنيۆەرسيتەتىنىڭ ماماندارىنىڭ زەرتتەۋى كورسەتكەندەي، جارانىڭ جازىلۋى تۇسكەن جارانىڭ ۋاقىتى مەن كۇندىز- تۇنىنە دە بايلانىستى ەكەن.

سيركاد ىرعاعى - تاۋلىكتىڭ بەلگىلى ءبىر ۋاقىتىندا تەزىرەك جۇرەتىن ينتەنسيۆتى بيولوگيالىق ءۇردىس، كوبىنەسە، كۇن مەن ءتۇننىڭ اۋىسۋىنا بايلانىستى. مۇنداي بيولوگيالىق ىرعاق جەر بەتىندەگى تىرشىلىك يەلەرىنىڭ بارىنە ورتاق: ادامنان باستاپ ميكروب سىندى ميكرواعزالارعا دەيىن بولاتىن قۇبىلىس. سوعان قاراعاندا جەر شارىندا تىرشىلىك پايدا بولعاندا قالىپتاسقان كونە ەۆوليۋتسيالىق بازيس بولسا كەرەك.

اسىرەسە، فيبروبلاست ءۇشىن بيولوگيالىق ىرعاقتىڭ ماڭىزى زور. جاسۋشىلاردى بىرىكتىرەتىن ءتىندى فيبروبلاست دەپ اتايدى. جاڭا تىندەردىڭ وسۋىنە كاركاس بولاتىن بۇل ءتىن جارانىڭ جازىلۋىنا مۇمكىندىك بەرەتىن بيولوگيالىق لەيكوپلاستىر.

زەرتحانالىق زەرتتەۋلەردەن ادام فيبروبلاستى كۇندىز، ال تىشقاندىكى تۇندە جىلدام وسەتىنى بەلگىلى بولدى. ماسەلەن، تىشقانعا جاسالعان تاجىريبەدەن تۇندە جاراقات العان كەمىرگىشتەردىڭ جاراسى كۇندىز جاراقاتتانعاندارعا قاراعاندا 11 ەسە تەز جازىلعان.

تاجىريبەنىڭ راس- وتىرىگىن بىلمەك بولعان عالىمدار ەندى شىنايى ومىردە زەرتتەۋ جاسايدى. ەكسپريمەنتكە قاتىسقان ادامداردى جاراقات سالىپ، اۋرۋحاناعا جىبەرەدى. كەيىن اۋرۋحانا دەرەكتەرىن سالىستىرىپ قاراسا، كۇندىز جاراقات العانداردىكى تۇندە العانداردىكىنە قاراعاندا 1,5 ەسە تەز جازىلعان.

ورتاشا ەسەپپەن العاندا، ساعات كەشكى 20.00 دەن تاڭعى 8.00 گە دەيىن تۇسكەن جاراقات 28 كۇندە، ساعات تاڭعى 8.00 دەن كەشكى 20.00 گە دەيىن تۇسكەن جاراقات 17 كۇندە جازىلعان.

عالىمدار ەندى تاجىريبە ناتيجەسىن ءدارى جاساۋدا، جاراقاتتى ەمدەۋدە قولدانۋدى جوسپارلاۋدا.

ال ادامداردىڭ تۇندە قاۋىپتى جۇمىستى ىستەۋدەن تارتىنعانى ءجون.

massaget.kz


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات