+7 (701) 759 90 19
-24 °С : نۇر-سۇلتان
1 °С : الماتى
USD 418.41 EUR 507.95
RUB 5.69 CNY 64.76
جاڭالىقتار

كەزەكشى سىنىپتاردا ساباق قالاي جۇرەدى

4 تامىز 22:38
:ءبولىسۋ
كەزەكشى سىنىپتاردا ساباق قالاي جۇرەدى

نۇ-سۇلتان. قازاقپارات - باستاۋىش سىنىپ وقۋشىلارىنىڭ مەكتەپكە بارىپ ءبىلىم الۋىنا بولادى. ولار ءۇشىن كەزەكشى سىنىپتار اشىلادى.

بىردەن ەسكەرتەيىك. بالانى مەكتەپكە جىبەرۋ نەمەسە ۇيدەن، ياعني قاشىقتان وقىتۋ تۋرالى شەشىمدى ءار اتا- انا ءوزى قابىلدايدى.

باقىت توپتايەۆا، ءتىلشى:

- مەكتەپ تابالدىرىعىن العاش رەت اتتاعالى جاتقان بالانى الدا نە كۇتىپ تۇر؟ سانيتارلىق تالاپتار قاتاڭ ساقتالۋى ءتيىس ورتادا ءبىلىم بەرۋ پروتسەسى قالاي ۇيىمداستىرىلادى؟ مىنە وسى ساۋالدارعا جاۋاپ الۋ ءۇشىن ەلورداداعى №76 مەكتەپ- ليتسەيىنە كەلدىك. جاڭا وقۋ جىلىنا دايىندىعى قانداي ەكەن؟ كورەيىك. ءبىرىنشى سىنىپ وقۋشىلارىن قابىلداۋعا بيىل ەرەكشە نازار اۋدارىلعان. ونى مەكتەپتەگى ارنايى بولمەلەرگە باعىتتاۋشى بەلگىلەردەن بايقاۋعا بولادى. مۇندا وقۋشىنىڭ ءار قادامىنا ءمان بەرىلگەن. ءتىپتى جاي بەلگىنىڭ ورنىنا ءتۇرلى ءارىپ پەن تاڭبالار قويىلعان. ءبىر سىنىپتىڭ ءوزى ەكى نە ءۇش توپقا بولىنەدى. ءار توپ وسىنداي جەكە كابينەتتە ساباق وقيتىن بولادى. ال، بۇلدىرشىندەر وتىراتىن پارتالاردىڭ اراسىندا 1,5 مەتر قاشىقتىق ساقتالعان.

ساپۋرا تولەكوۆا، ءا. بوكەيحانوۆ اتىنداعى 76 مەكتەپ- ليتسەيىنىڭ ديرەكتورى:

- ءبىرىنشى سىنىپقا ءبىز نەگىزىنەن 300 بالا قابىلداۋعا جاعداي جاساپ، كابينەتتەردى، مۇعالىمدەردى، وقۋلىقتارىمىزدى دايىنداعان بولاتىنبىز. قازىرگى تاڭدا 8 سىنىپ، ياعني، 270-تەي بالا قابىلداندى. بۇل مەكتەپتە كەزەكشى سىنىپتىڭ 13 لەگى ۇيىمداستىرىلماق. «ءار توپتا 15 بالادان كەلسە، 1-سىنىپتان 4-سىنىپقا دەيىن جالپى سانى 780 بالاعا دەيىن وقىتۋعا ءازىرمىز» ، دەيدى مەكتەپ ديرەكتورى. مەكتەپتىڭ كىرەبەرىستەرىندە دەزينفەكتسيالىق تۋنەل مەن توسەنىشتەر قويىلادى. سىنىپ بولمەلەرى سانيتايزەرمەن قامتىلادى.

ساپۋرا تولەكوۆا، ءاليحان بوكەيحانوۆ اتىنداعى №76 مەكتەپ- ليتسەيىنىڭ ديرەكتورى

- 15 مينۋت ۇزىلىسپەن قابىلدايمىز وقۋشىلاردى. مەكتەپ قورشاۋىنىڭ ءتورت قاقپاسى بار، وقۋشىلار ءتورت قاقپادان ارنايى تەپلوۆيزور ارقىلى تەكسەرىستەن وتەدى. بۇل جەردە اتا- انادان بالانىڭ تەمپەراتۋراسىن ولشەپ قابىلدايمىز. تەمپەراتۋراسى بار بولعان جاعدايدا اتا- انامەن بىرگە كەرى قايتارىلادى. وقىتۋ پروتسەسىنە توقتالساق، ءار سىنىپقا تەك ءبىر مۇعالىمنەن بولىنگەن. ءبىر عانا ۇستازبەن بايلانىستا بولاتىن بالاقايلار كۇنىنە ءۇش ساباقتان وقيدى. سۋرەت، مۋزىكا، ورىس جانە اعىلشىن تىلدەرى قاشىقتان وقىتىلادى. سوندىقتان بۇل پاندەر بويىنشا بالانىڭ ءبىلىمى باعالانبايدى. ازىرگە كەزەكشى سىنىپتا ناقتى قانشا بالا وقيتىنى بەلگىسىز. سەبەبى.. .

بليتس 1: - قاشىقتان وقۋدى تاڭدادىق، ەڭ باستىسى - دەنساۋلىق. سوندىقتان دا ونلاين ساباقتى تاڭداپ وتىرمىز.

بليتس 2: - مەكتەپتەن وقيدى دەپ شەشىم قابىلدادىق وتباسىمىزبەن. ارينە، دەنساۋلىق ەڭ ءبىرىنشى ورىندا عوي. ءبىراق مۇعالىممەن قارىم- قاتىناس كەرەك دەپ ويلايمىن. كەزەكشى سىنىپتا وقىتۋ ءتارتىبى جايلى الداعى ۋاقىتتا تۇسىندىرمە جۇمىستارى جۇرگىزىلەدى. ول ءۇشىن ءبىلىم جانە دەنساۋلىق ساقتاۋ باسقارمالارىنان ارنايى نۇسقاۋلىق ءتۇسۋى ءتيىس. سول كەزدە بالانىڭ سىنىپتا ماسكا تاعۋ- تاقپايتىنى بەلگىلى بولماق.

www.24.kz



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات