+7 (701) 759 90 19
6 °С : نۇر-سۇلتان
17 °С : الماتى
USD 420.76 EUR 498.6
RUB 5.6 CNY 62.27
جاڭالىقتار

كوروناۆيرۋسقا قارسى قازاقستاندىق ۆاكسينانى ەرىكتىلەرگە سىناۋ قىركۇيەكتە باستالادى

4 تامىز 19:09
:ءبولىسۋ
كوروناۆيرۋسقا قارسى قازاقستاندىق ۆاكسينانى ەرىكتىلەرگە سىناۋ قىركۇيەكتە باستالادى

نۇر- سۇلتان. قازاقپارات - قازاقستاندىق 5 ازىرلەۋشى COVlD-19-عا قارسى ۆاكسينانى وزدەرىنە سىنادى.

بۇل تۋرالى بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتىنان ءمالىم ەتتى، دەپ حابارلايدى قازاقپارات ءتىلشىسى.

«دۇنيەجۇزىلىك دەنساۋلىق ساقتاۋ ۇيىمىنىڭ تالابىنا سايكەس، 2020 -جىلدىڭ 13- تامىزىندا ماكاك- رەزۋستان انتيدەنەنىڭ كەمىندە 7 log بولۋى ءتيىس سوڭعى تيترىن انىقتاۋ جوسپارلانىپ وتىر. بۇل جوعارى يممۋنوگەندىك كورسەتكىش سانالادى. 2020 -جىلدىڭ 26 شىلدەسىندە ۆاكتسينانىڭ 5 ازىرلەۋشىسى ءتىرى ۆيرۋسپەن جۇمىس ىستەۋ بارىسىندا قاۋىپسىزدىكتەرىن قامتاماسىز ەتۋ ءۇشىن ەرىكتى تۇردە ۆاكسينانى وزدەرىنە سىنادى. بىرنەشە تاۋلىك وتكەننەن كەيىن ولاردىڭ وزدەرىن سەزىنۋى جاقسى، دەنە قىزۋى مەن اللەرگيالارى جوق. كلينيكاعا دەيىنگى سىناق 2020 -جىلدىڭ 20 - تامىزىندا اياقتالىپ، ناتيجەسى ق ر دەنساۋلىق ساقتاۋ مينيسترلىگىنە بەرىلەدى. ق ر دەنساۋلىق ساقتاۋ مينيسترلىگىنەن رۇقسات الىنعاننان كەيىن 2020 -جىلدىڭ 20 - قىركۇيەگىندە الماتى قالاسىنداعى كلينيكانىڭ بازاسىندا COVID-19-عا انتيدەنەسى جوق 44 ەرىكتىگە كلينيكالىق سىناق (1- فازا) باستالۋى ءتيىس»، - دەپ اتاپ وتەدى ينستيتۋتتان.

COVID-19-عا قارسى QazCovid-in ۆاكسيناسىن ينستيتۋتتىڭ باس ديرەكتورى ك. زاكاريا جانە عىلىمي قىزمەتكەرلەر: ل. قۇتىمبەتوۆ، ب. حايرۋللين، م. ورىنبايەۆ، ق. سۇلتانقۇلوۆ، ە. ءابدىرايىموۆ، س. نۇرابايەۆ وزدەرىنە سىناعان.

«ۆاكسينا COVID-19-عا قارسى ءبىرىنشى وتاندىق ۆاكسينانى دايىنداۋ جانە ساقتاۋ تەحنولوگياسىن ازىرلەۋ بويىنشاعا عىلىمي- زەرتتەۋ جۇمىستارىن تىكەلەي ورىندايتىن ينستيتۋتتىڭ عىلىمي قىزمەتكەرلەرىن تولىقتاي ەپيدەمولوگيالىق قورعاۋ ءۇشىن قاجەت بولدى. اتالعان عىلىمي قىزمەتكەرلەر COVID-19-عا شالدىعىپ قالعان جاعدايدا ينستيتۋت وتاندىق ۆاكتسينا ازىرلەۋگە باعىتتالعان ماڭىزدى مەملەكەتتىك مىندەتتى ورىندايتىن ەڭ قۇندى ماماندارىنان ۇزاق ۋاقىتقا ايىرىلىپ قالار ەدى. ءوزى دايىنداعان ۆاكتسينانى ۆاكتسيناتسيالاۋ مەديتسينالىق جانە يممۋنوبيولوگيالىق پرەپاراتتاردى ازىرلەۋشىلەردىڭ جاريا ەمەس عىلىمي ستاندارتى سانالادى. ازىرلەۋشى ەڭ الدىمەن ءوزىنىڭ ازىرلەمەسىنىڭ قاۋىپسىزدىگى مەن يممۋنوگەندىگىن وزىنە سىناۋى ءتيىس. ەكىنشىدەن، ءوزىنىڭ زەرتتەۋىنىڭ ناتيجەسى مەن ساپاسى ءۇشىن تولىقتاي جاۋاپكەرشىلىك الادى. وسىلايشا، كلينيكالىق سىناققا قاتىساتىن ەرىكتىلەردىڭ قاۋىپسىزدىگىنە كەپىلدىك بەرەدى»، - دەدى ينستيتۋت ديرەكتورى كۇنسۇلۋ زاكاريا.

ينستيتۋت مالىمەتىنشە، 2020 -جىلدىڭ قازان ايىنىڭ ورتاسىندا دۇنيەجۇزىلىك دەنساۋلىق ساقتاۋ ۇيىمىنىڭ تالاپتارىنا ساي كەلەتىن 200 ەرىكتىگە كلينيكالىق سىناق وتكىزۋدىڭ Ⅱ فازاسىنا شىعۋ جوسپارلانعان. كلينيكالىق سىناقتىڭ Ⅱ فازاسى 2020 -جىلدىڭ جەلتوقسان ايىندا اياقتالۋى ءتيىس. كوپتەگەن ەلدىڭ (قىتاي، ا ق ش، رەسەي) تاجىريبەسىن جانە حالىقتى ۆاكتسينامەن قامتاماسىز ەتۋ قاجەتتىگىن قاپەرگە الا وتىرىپ، كلينيكالىق سىناق فازاسىنىڭ سانىن 4-تەن 2-گە دەيىن قىسقارتۋ قاراستىرىلىپ جاتىر. بۇل ددسۇ تالاپتارىنا قايشى بولمايدى. كانديداتتىق ۆاكسينانىڭ كلينيكالىق سىناق ناتيجەلەرىن ددسۇ راستاعان جاعدايدا بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتى جانىنداعى سالىنىپ جاتقان يممۋنوبيولوگيالىق پرەپاراتتار ءوندىرىسى زاۋىتى ۆاكتسينا شىعارۋعا دايىن. زاۋىتتىڭ جوبالىق قۋاتى جىلىنا 60 ميلليون دوزانى قۇرايدى. قۇرىلىس جۇمىسى 2020 -جىلدىڭ جەلتوقسانىندا اياقتالادى.

ەستە بولسا، 2020 -جىلدىڭ 23 - ناۋرىزىندا COVlD-19-عا شالدىققان العاشقى پاتسيەنتتەن پاتولوگيالىق ماتەريال الىنىپ، ءبىر اپتادان كەيىن ينستيتۋت عالىمدارى SARS- CoV-2 ۆيرۋسىن ءبولىپ شىعاردى. 2020 -جىلدىڭ 9 - مامىرىندا COVlD-19-عا قارسى كانديتاتتى يناكتيۆتەلگەن ۆاكتسينا ازىرلەۋ بويىنشا جۇمىستى اياقتاپ، ونىڭ حاتتاماسى دۇنيەجۇزىلىك دەنساۋلىق ساقتاۋ ۇيىمىنا جىبەرىلدى. 15 - مامىردا د د س ۇ الدىن الا تەكسەرۋدەن كەيىن ونى كلينيكاعا دەيىنگى سىناققا جىبەرىلگەن كانديداتتى ۆاكتسينالار تىزىمىنە قوسىپ، ۆاكسينا جانە ازىرلەۋشى تۋرالى اقپاراتتى رەسمي سايتىندا (www.who.int) ورنالاستىردى. سول كۇنى زەرتحانالىق تىشقان، سيريالىق اتجالمان، تەڭىز شوشقاسى، كۇزەن جانە ءۇي قويانىنا كانديداتتى ۆاكتسينانى كلينيكاعا دەيىنگى سىناقتى باستادى. كلينيكاعا دەيىنگى سىناق ۆاكسينانىڭ د د س ۇ رەگلامەنتتەگەن بارلىق پارامەترلەر، اتاپ ايتقاندا ۋىتتىلىعى، دەرت تۋىنداتۋشىلىعى، اللەرگەندىلىگى، يممۋنوگەندىگى بويىنشا د د س ۇ تالاپتارىنا جانە قازاقستان رەسپۋبليكاسىنىڭ مەملەكەتتىك فارماكوپياسىنا ساي كەلەتىندىگىن كورسەتتى.

2020 -جىلدىڭ 6- شىلدەسىندە ۆاكسينا ق ر د س م ۇلتتىق دارىلىك زاتتاردى ساراپتاۋ ورتالىعىنا بەرىلدى. ورتالىق بۇعان دەيىن بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتى العان ۆاكسينانى كلينيكاعا دەيىنگى سىناق ناتيجەلەرىنىڭ جاڭعىرتىلاتىندىعىن قۋاتتادى. 2020 -جىلدىڭ 10- شىلدەسىندە بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتى ۆاكسينانى مايمىلعا (ماكاكا- رەزۋس) سىناقتان وتكىزۋدى باستادى. lg М, lg G انتيدەنە تيترى جەتىنشى كۇندە 3,5 10Q (جوعارى كورسەتكىش) بولعان ەدى.

ايتا كەتكەن ءجون، بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتى ازىرلەگەن Covid-19 قارسى ەكىنشى ۆاكسينا دۇنيەجۇزىلىك دەنساۋلىق ساقتاۋ ۇيىمىنىڭ سايتىنا تىركەلگەن بولاتىن. بۇعان دەيىن دەنساۋلىق ساقتاۋ مينيسترلىگى ۆاكسينالاۋ - ينفەكسيالىق اۋرۋلاردان قورعانۋدىڭ ءتيىمدى ءادىسى ەكەنىن مالىمدەگەن ەدى.

قازاقستاندىق عالىمدار 7 ۆاكسينا دايىنداۋ تەحنولوگياسىن جاسادى. جالپى ەلىمىزدە كوروناۆيرۋسقا قارسى ۆاكسينانىڭ بەس پروتوتيپى بويىنشا جۇمىس جۇرگىزىلىپ جاتىر. COVID-19 ۆاكسيناسىن جاساۋ بويىنشا جۇمىستاردىڭ بارىسىنا قىزىعۋشىلىق تانىتقان ازاماتتار ددسۇ ۆەب- سايتىندا ۆاكسيناعا ۇمىتكەرلەر تۋرالى جالپى شولۋدى وقي الادى. الدىن الا بولجامعا سايكەس، قازاقستاندا كوروناۆيرۋسقا قارسى ۆاكسينا 65 جاستان اسقان، جۇرەك- قان تامىرى اۋرۋى، قانت ديابەتى جانە سوزىلمالى وكپە اۋرۋلارى بار تاۋەكەل توبىنا كىرەتىن ادامدارعا جانە مەديتسينا قىزمەتكەرلەرىنە سالىناتىن بولادى. ۆاكتسينا الاتىنداردىڭ بولجامدى سانى 2347000 ادامدى قۇرايدى.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات