ەلىمىزدە مەملەكەتتىك قىزمەتكە ورنالاسۋ جەڭىلدەيدى
بۇرىن كونكۋرستان ءوتۋ ءۇشىن 50 كۇن ۋاقىت قاجەت بولاتىن. ەندى بۇل مەرزىم 2 اپتاعا دەيىن قىسقارىپ وتىر.
سونداي- اق، كونكۋرستىڭ كەزەڭدەرى دە ازايدى. بۇعان دەيىن 3 ءتۇرلى سىناق جاريالانسا، قازىر ۇمىتكەرلەردىڭ 2 كەزەڭنەن وتكەنى جەتكىلىكتى. ياعني، ۆەدومستۆودا بوس ورىن پايدا بولعان كەزدە كونكۋرسقا سول ورگاننىڭ قىزمەتشىلەرى عانا ەمەس، باسقا ۆەدومستۆولاردا ىستەپ جاتقاندار دا بىردەي قاتىسا الادى. مۇنداي شەشىم مەملەكەت باسشىسى قول قويعان زاڭعا سايكەس قابىلداندى. وزگەرىستەر 17 - شىلدەدەن باستاپ قولدانىسقا ەنگىزىلدى.
ايتا كەتەيىك، بۇگىندە مەملەكەتتىك قىزمەتتە 90 مىڭعا جۋىق ادام جۇمىس ىستەپ جاتىر. ولاردىڭ ورتا جاسى 39. قىزمەتشىلەردىڭ 56 پروتسەنتى نازىك جاندىلار بولسا، قالعانى ەر ازاماتتار.
ەرحان تاتكەن، ق ر مەملەكەتتىك قىزمەت ىستەرى اگەنتتىگىنىڭ رەسمي وكىلى:
- ءبىرىنشى كەزەڭ، ول اتالعان مەملەكەتتىك ورگاننىڭ قىزمەتشىلەرى اراسىنداعى كونكۋرس، ول كونكۋرستا جەڭىمپاز انىقتالماعان جاعدايدا تىكەلەي بارلىق مەملەكەتتىك قىزمەتشىلەر اراسىنداعى كونكۋرس پەن جالپى كونكۋرس بىرىكتىرىلدى. ياعني، ەندى مەملەكەتتىك قىزمەتشىلەر كونكۋرسقا قاتىسا الادى.