17:18, 04 - تامىز 2020 | GMT +6
الماتىدا ەر ادام پوليتسياعا وق اتتى
نۇر- سۇلتان. قازاقپارات - الماتىدا ەسىرتكى قابىلداعان ەر ادام پوليتسيا قىزمەتكەرىنە وق اتتى، دەپ حابارلادى قازاقپارات.
قالالىق پ د حابارلاۋىنشا، 102 پۋلتىنە ايەل ادام حابارلاسىپ، كۇيەۋى وتباسىلىق داۋ- جانجالدان سوڭ ءوز- وزىنە قول سالماق بولعانىن ايتقان. جەرگىلىكتى ۋچاسكەلىك ينسپەكتور، پوليتسيا اعا لەيتەنانتى فارحات رەجاپوۆ ءبىرىنشى بولىپ وقيعا ورنىنا باردى. ءۇيدىڭ اۋلاسىنا جەتكەندە ەكىنشى قاباتتا وق اتىلعانى ەستىلگەن. پوليتسيا قىزمەتكەرى وقتان جالتارىپ ۇلگەردى.
«37 جاستاعى جىگىتتى پوليتسيانىڭ ارنايى ءبولىم قىزمەتشىلەرى ۇستادى. قولىنداعى قارۋ ءوزىنىڭ اتىنا تىركەلگەن بولىپ شىقتى. بەلگىلى بولعانداي، ول ەسىرتكى قابىلداعان. قازىر كۇدىكتى المالى اۋداندىق پ ب جەتكىزىلدى»، - دەدى.
