قىتايدا «حاگۋپيت» تايفۋنى سالدارىنان جۇزدەگەن مىڭ ادام قاۋىپسىز جەرگە شىعارىلدى
بۇل - بيىل قىتايدا بولعان ءتورتىنشى تايفۋن، دەپ حابارلايدى قازاقپارات شينحۋا اگەنتتىگىنە سىلتەمە جاساپ.
ق ح ر ۇلتتىق مەتەورولوگيا ورتالىعى تايفۋن ەل جاعالاۋىندا جەرگىلىكتى ۋاقىت بويىنشا شامامەن ساعات 3:30-دا باستالعاندىعىن ءمالىم ەتتى. ونىڭ جىلدامدىعى سەكۋندىنا 38 مەترگە دەيىن جەتكەن. تايفۋنمەن بىرگە، جىجياڭ جانە فۋجيان پروۆينتسيالارىندا نوسەر جاۋىن جاۋىپ، قاتتى جەل سوعا باستادى. مەتەورولوگتار تايفۋننىڭ قىتايدىڭ سولتۇستىگىنە قوزعالىپ، قارقىنى سول جەردە باسىلا تۇسەتىنىن ەسكەرتەدى.
داۋىل ەل اۋماعىندا سەيسەنبىنىڭ كەشىندە باسىلىپ، ودان كەيىن كورەيا تۇبەگىنىڭ باتىس جاعىنا قاراي ىعىسادى. دۇيسەنبى كۇنى ساعات كەشكى 10-عا قاراي جىجياڭ پروۆينتسياسىندا 381375 ادام قاۋىپسىز جەرگە شىعارىلعان. فۋجيان پروۆينتسياسىندا تايفۋن سالدارىنان تەمىرجول تاسىمالى مەن قۇرىلىس جۇمىستارى توقتاتىلعان.