جاقسىلىق ۇشكەمپىروۆ كەڭساي زيراتىنا جەرلەندى

None
None
نۇر- سۇلتان. قازاقپارات - اسا كورنەكتى مەملەكەت جانە قوعام قايراتكەرى، قازاقستاننىڭ ەڭبەك ەرى، وليمپيادا چەمپيونى جاقسىلىق ۇشكەپىروۆ الماتىداعى كەڭساي زيراتىنا جەرلەندى، دەپ حابارلايدى قازاقپارات.

بۇل تۋرالى بۇگىن ءوزىنىڭ Facebook پاراقشاسىندا ق ر پرەزيدەنتىنىڭ باسپا ءسوز حاتشىسى بەرىك ءۋالي جازدى، دەپ حابارلايدى قازاقپارات.

«بۇگىن اسا كورنەكتى مەملەكەت جانە قوعام قايراتكەرى، قازاقستاننىڭ ەڭبەك ەرى، وليمپيادا چەمپيونى جاقسىلىق اعا ۇشكەمپىروۆتى اقتىق ساپارعا اتتاندىردىق. ول كەڭسايعا قويىلدى. قايمانا قازاقتى جاتسىنباي باۋىرىنا تارتاتىن. ۇلتتى بولمەي سۇيەتىن. قاشان كورسەڭ جارقىلداپ جۇرەتىن. ءوزى ايتقانداي، جاقسىلىق اعامىزداي بەس مىڭ جىگىت بولسا، كۇللى قازاق اۋىلدارىن دۇركىرەتىپ كوتەرۋگە بولادى. اتى جامان دەرت تالاي اسىلىمىزدان ايىردى. ەندىگى قالعان جۇرتقا اللا اماندىق بەرسە ەكەن. ماڭگىلىك مەكەنىندە بوز توبە بولىپ قالدى قايران ەر! باقۇل بولىڭىز، جاقسىلىق اعا!»، - دەپ جازدى، بەرىك ءۋالي.

سوڭعى جاڭالىقتار